ಹಿರಿಯ ಕವಿ, ಲೇಖಕ ದೇಶಪಾಂಡೆ ಸುಬ್ಬರಾಯರು ಸೋಮವಾರ (02 ಮೇ) ಧಾರವಾಡದಲ್ಲಿ ನಿಧನರಾದರು.

ಬೇಂದ್ರೆಯವರ ಕಾವ್ಯದಲ್ಲಿ ಅಪಾರ ಆಸಕ್ತಿ ಹೊಂದಿದ್ದ ದೇಶಪಾಂಡೆ, ಮೂಲತಃ ಮಹಾರಾಷ್ಟ್ರದ ಪುಣೆ ಸಮೀಪದ 'ವಠಾರ' ಗ್ರಾಮದವರು. ರೈಲ್ವೆ ಇಲಾಖೆಯಲ್ಲಿ ನಾಲ್ಕು ದಶಕಗಳ ಕಾಲ ಕಾರ್ಯನಿರ್ವಹಿಸಿ ಉನ್ನತ ಅಧಿಕಾರಿಯಾಗಿ ನಿವೃತ್ತರಾಗಿದ್ದರು.

‘ನಾಲ್ಕು ಹಿಡಿ ಬೆಂಕಿ’, ‘ಬೊಗಸೆ ತುಂಬದ ಬದುಕು’, ‘ಕಣ್ಣೀರು ಕಳಕೊಂಡವನು’, ‘ಜಫರನೆ ಇಲ್ಲ ದೆಹಲಿಯಲ್ಲಿ’, ‘ಮೋರೆಯಾಚೆಯ ಮುಖ’, ‘ಫೀನಿಕ್ಸ್ ಹಾರಿದ ಹಾದಿ’ ಸೇರಿದಂತೆ ಹಲವು ಕವನ ಸಂಕಲನಗಳನ್ನು ಹಾಗೂ ‘ಕನ್ನಡ ಸಾಹಿತ್ಯದಲ್ಲಿ ನವ್ಯ ಪ್ರಜ್ಞೆ’, ‘ಸಂತೆಯಲ್ಲೊಂದು ಮನೆ’, ‘ಮಾಸದ ವ್ಯಾಸಂಗ’ ಎಂಬ ಗದ್ಯ ಕೃತಿಗಳನ್ನು ರಚಿಸಿದ್ದರು. ಇವರ ಸಾಹಿತ್ಯ ಕ್ಷೇತ್ರದ ಸೇವೆಗಾಗಿ ಮುದ್ದಣ ಕಾವ್ಯ ಪ್ರಶಸ್ತಿ ಲಭಿಸಿತ್ತು.