ಕಾನ್ ಕೇವ್‌ ಮೀಡಿಯಾ ಪ್ರಕಟಿಸಿರುವ ಸೋಮು ರೆಡ್ಡಿಯವರ ಕಂದೀಲು ಪುಸ್ತಕವನ್ನು ಖ್ಯಾತ ಲೇಖಕ ಜೋಗಿಯವರು ಲೋಕಾರ್ಪಣೆ ಮಾಡಿದರು. "ಹಳ್ಳಿಯ ರಾತ್ರಿ ಸಂಭ್ರಮಗಳಲ್ಲಿ ಕಂದೀಲು ಹಿಡಿದುಕೊಂಡು ಹೋಗುವುದು ಒಂದು ಸಂಸ್ಕೃತಿ. ಸಂಭ್ರಮದಲ್ಲಿ ಇರುವವರಿಗೆ ಬೆಳಕಾಗುವ ಕಂದೀಲು. ನಮ್ಮಲ್ಲಿ ಹಲವು ಸಂಸ್ಕೃತಿಗಳು, ಆಚರಣೆಗಳು, ಭಾಷಾ ಸೊಗಡು, ನೋವು ನಲಿವುಗಳೆಲ್ಲವು ಬರಹದ ಮೂಲಕ ಅಭಿವ್ಯಕ್ತಿಗೊಳ್ಳಬೇಕಿದೆ" ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದರು. "ಬಾಲ್ಯದ ನೇಟಿವಿಟಿಯನ್ನು ಆಧರಿಸಿ ಬರೆದ ಕಾದಂಬರಿ ಇದು. ಜನರಿಗೆ ಮುಟ್ಟುವ ಹಾಗೆ ಭಾಷೆಯನ್ನು ನಾನು ಬರೆದಿದ್ದೇನೆ. ಇದು ನನ್ನಕ್ಕರೆಯ ಅಕ್ಷರ ಪ್ರೀತಿ" ಎಂದು ನೆನೆಸಿಕೊಂಡರು. ಪತ್ರಕರ್ತ ಶರಣು ಹುಲ್ಲೂರು, ಪ್ರಕಾಶಕ ನಂದೀಶ್‌ ಅವರು ಹಾಜರಿದ್ದರು.