ಕಾಂತಾವರ ಕನ್ನಡ ಸಂಘದಿಂದ ನ.1, 2 ರಂದು ಕಾಂತಾವರ ಉತ್ಸವದಲ್ಲಿ ನೀಡುವ ಐದು ದತ್ತಿನಿಧಿ ಪ್ರಶಸ್ತಿಗಳಗೆ ಅರ್ಹ ವ್ಯಕ್ತಿಗಳನ್ನು ಆಯ್ಕೆ ಮಾಡಲಾಗಿದೆ. ರಮಾಕಾಂತ ಜೋಶಿ, ಡಾ. ಎಸ್. ಆರ್‌. ವಿಘ್ನರಾಜ, ಪುಟ್ಟು ಕುಲಕರ್ಣಿ, ಪುಣಿಂಚಿತ್ತಾಯ, ಶಾರಧಾ ಭಟ್ ಆಯ್ಕೆಯಾಗಿದ್ಧಾರೆ. 

ಪ್ರಶಸ್ತಿಗಳು ತಲಾ 12 ಸಾವಿರ ರೂ. ನಗದು, ತಾಮ್ರ ಪತ್ರ ಮತ್ತು ಸನ್ಮಾನ ಒಳಗೊಂಡಿದೆ. ನ.1ರಂದು ಅಪರಾಹ್ನ 3ಕ್ಕೆ ಕಾಂತಾವರ ಕನ್ನಡ ಭವನದಲ್ಲಿ ಪ್ರಶಸ್ತಿ ಪ್ರದಾನ ನಡೆಯಲಿದ್ದು, ಹರಿಕೃಷ್ಣ ಪುನರೂರು ಪ್ರಶಸ್ತಿ ಪ್ರದಾನ ಮಾಡುವರು. ಸಂಘದ ಕಾರ್‍ಯಾಧ್ಯಕ್ಷ ನಿರಂಜನ ಮೊಗಸಾಲೆ ಅಧ್ಯಕ್ಷತೆಯಲ್ಲಿ ಪ್ರಶಸ್ತಿಗೆ ಸಾಧಕರ ಆಯ್ಕೆ ನಡೆದಿದೆ ಎಂದು ಪ್ರ.ಕಾರ್ಯದರ್ಶಿ ಸದಾನಂದ ನಾರಾವಿ ತಿಳಿಸಿದ್ದಾರೆ.