ಒಬ್ಬರಲ್ಲ ಮೂವರು : ರಾಕ್ಸ್ ಮೀಡಿಯಾ ಕಲೆಕ್ಟಿವ್

Date: 17-01-2022

Location: ಬೆಂಗಳೂರು

ಹಿರಿಯ ಪತ್ರಕರ್ತ-ಲೇಖಕ ರಾಜಾರಾಂ ತಲ್ಲೂರು ಅವರು ಜಾಗತಿಕ ಸಮಕಾಲೀನ ಕಲೆ ಮತ್ತು ಕಲಾವಿದರನ್ನು ಕುರಿತು ಬರೆಯುವ ಅಂಕಣ 'ಈಚೀಚೆ, ಇತ್ತೀಚೆ'. ಪ್ರತಿ ವಾರ ಪ್ರಕಟವಾಗುವ ಈ ಸರಣಿಯಲ್ಲಿ ಈ ಬಾರಿ ದಿಲ್ಲಿಯ ಇನ್ಸ್ಟಾಲೇಷನ್ಸ್, ಸ್ಕಲ್ಪ್ಚರ್ಸ್, ವೀಡಿಯೊ ಆರ್ಟ್ ಹಾಗೂ ಬಹುಮಾಧ್ಯಮ ಚಟುವಟಿಕೆಗಳನ್ನು ನಡೆಸುವ ರಾಕ್ಸ್ ಮೀಡಿಯಾ ಕಲೆಕ್ಟಿವ್ ತಂಡದ ಕುರಿತು ಬರೆದಿದ್ದಾರೆ.

ಕಲಾವಿದ: ಮೋನಿಕಾ ನಾರುಲಾ, ಶುದ್ಧವೃತ ಸೇನ್‌ಗುಪ್ತಾ, ಜೀವೇಶ್ ಬಾಗ್ಚಿ (Monica Narula, Shuddhabrata Sengupta, Jeebesh Bagchi)
ಶಿಕ್ಷಣ: ಎ.ಜೆ.ಕೆ. ಮಾಸ್ ಕಮ್ಯೂನಿಕೇಶನ್ ಅಂಡ್ ರೀಸರ್ಚ್ ಸೆಂಟರ್, ಜಾಮಿಯಾ ಮಿಲಿಯಾ ವಿವಿ, ದಿಲ್ಲಿ
ವಾಸ: ದಿಲ್ಲಿ
ಕವಲು: ಕಂಟೆಂಪೊರರಿ ಆರ್ಟ್
ವ್ಯವಸಾಯ: ಇನ್ಸ್ಟಾಲೇಷನ್ಸ್, ಸ್ಕಲ್ಪ್ಚರ್ಸ್, ವೀಡಿಯೊ ಆರ್ಟ್, ಬಹುಮಾಧ್ಯಮ ಚಟುವಟಿಕೆಗಳು

ರಾಕ್ಸ್ ಮೀಡಿಯಾ ಕಲೆಕ್ಟಿವ್ಸ್ ಸಿ.ವಿ.ಗಾಗಿ ಇಲ್ಲಿ ಕ್ಲಿಕ್ ಮಾಡಿ:

ರಾಕ್ಸ್ ಮೀಡಿಯಾ ಕಲೆಕ್ಟಿವ್ಸ್ ಅವರ ವೆಬ್‌ಸೈಟಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:

ಆಧುನಿಕತೆಯ ದ್ವಂದ್ವಗಳನ್ನು ತೆರೆದಿರಿಸಬಲ್ಲ ಆಳವಾದ ಚರ್ಚೆಗಳಿಗೆ ಹಾದಿ ಮಾಡಿಕೊಡುವುದು ಮತ್ತು ಅಧಿಕಾರ ಹಾಗು ಆಸ್ತಿಗಳ ಕಾರ್ಯವಿಧಾನಗಳನ್ನು ತಣ್ಣಗಿನ ಆದರೆ ಸತತವಾದ ವಿಮರ್ಶೆಗೆ ಒಡ್ಡುವುದು ತನ್ನ ಕಾರ್ಯಚಟುವಟಿಕೆಗಳ ಭಾಗ ಎಂದು ಹೇಳಿಕೊಳ್ಳುವ ರಾಕ್ಸ್ ಮೀಡಿಯಾ ಕಲೆಕ್ಟಿವ್ಸ್ ಭಾರತದ ಮಟ್ಟಿಗೆ ಒಂದು ವಿಶಿಷ್ಠ ಪ್ರಯತ್ನ. ಏಕೆಂದರೆ ಇದು ಒಬ್ಬರು ಕಲಾವಿದ/ದೆ ಅಲ್ಲ. 1992ರಲ್ಲಿ ದಿಲ್ಲಿಯ ಜಾಮಿಯಾ ಮಿಲಿಯಾ ವಿವಿಯ ಮೂವರು ಸ್ನೇಹಿತರು ಒಟ್ಟಾಗಿ ಸ್ಥಾಪಿಸಿದ ಒಂದು ಸಾಮೂಹಿಕ ಪ್ರಯತ್ನ ಇದು. ಆದರೆ ಅವರು ಪ್ರಸ್ತುತಪಡಿಸುವ ಕಲಾಕೃತಿಗಳು ರಾಕ್ಸ್ ಮಿಡೀಯಾ ಕಲೆಕ್ಟಿವ್ಸ್‌ನ ಕೃತಿ ಎಂದೇ ಪ್ರದರ್ಶಿತಗೊಳ್ಳುತ್ತವೆ ಮತ್ತು ಸಮಕಾಲೀನ ಕಲಾಜಗತ್ತಿನಲ್ಲಿ ಭಾರತವನ್ನು ಪ್ರತಿನಿಧಿಸುತ್ತಿರುವ ಮಹತ್ವದ ಕಲಾವಿದರ ಪಟ್ಟಿಯಲ್ಲಿ ಇವರ ಹೆಸರೂ ಪ್ರಮುಖವಾದುದು.

ಮೋನಿಕಾ ನಾರುಲಾ, ಶುದ್ಧವೃತ ಸೇನ್‌ಗುಪ್ತಾ ಮತ್ತು ಜೀವೇಶ್ ಬಾಗ್ಚಿ ಎಂಬ ಈ ಮೂವರು ಗೆಳೆಯರು ಒಂದು ಕಲೆಕ್ಟಿವ್ ಎಂಬುದು An ecosystem whose interaction produces operative or imaginative knowledge, political and performative actions or products by linking the specific interests of its members. ಎಂದು ವ್ಯಾಖ್ಯಾನಿಸಿಕೊಂಡಿದ್ದಾರೆ.

ಕೇವಲ ಇನ್ಸ್ಟಾಲೇಷನ್‌ಗಳು, ಕಲಾಪ್ರದರ್ಶನಗಳ ಏರ್ಪಾಡು (ಕ್ಯುರೇಶನ್) ಮಾತ್ರವಲ್ಲದೆ ಸರೈ (ಸೆಂಟರ್ ಫಾರ್ ದ ಸ್ಟಡಿಆಫ್ ಡೆವಲಪಿಂಗ್ ಸೊಸೈಟಿ) ಹೆಸರಿನಲ್ಲಿ ಬೇರೆ ಹಲವು ಮಂದಿ ಪರಿಣತರ ಜೊತೆ ಸೇರಿ ಉಪನ್ಯಾಸಗಳು, ವೆಬ್‌ಸೈಟ್‌ಗಳು, ಸಮ್ಮೇಳನಗಳು, ಪ್ರಕಟಣೆಗಳು ಮತ್ತು ಸಂಶೋಧನೆಯ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿದೆ. ಅವರ ಮೀಡಿಯಾ ಲ್ಯಾಬ್ ಮೂಲಕ, “ಸರೈ ರೀಡರ್” ಎಂಬ ಜರ್ನಲ್ ಕೂಡ ಪ್ರಕಟಗೊಳ್ಳುತ್ತದೆ. ರಾಕ್ಸ್ (Raqs) ಎಂಬುದು ಉರ್ದುವಿನಲ್ಲಿ ನೃತ್ಯ ಎಂಬ ಅರ್ಥ ಕೊಡುತ್ತದೆ, ಅದರಲ್ಲೂ ವಿಶೇಷವಾಗಿ ಸೂಫಿ ದರ್ವೇಶ್‌ಗಳು ಧ್ಯಾನಕ್ಕಾಗಿ ಸುತ್ತು ಸುತ್ತು ಬರುವ ನೃತ್ಯ ಎಂಬ ಅರ್ಥ ಕೊಡುತ್ತದೆ.

ಜ್ಞಾನ ಮತ್ತು ಕಲೆಯ ಸೀಮೆಗಳನ್ನು ಪ್ರಶ್ನಿಸುವ ಮತ್ತು ಅದನ್ನು ಸಂವಾದಕ್ಕೊಡ್ಡುವ ಕಲಾಕೃತಿಗಳನ್ನು ಸೃಜಿಸುವ ಜೊತೆಗೇ ಕಲಾಪ್ರದರ್ಶನಗಳ ಮೂಲಕವೂ ಈ ಪ್ರಶ್ನಿಸುವ ಮನೋಧರ್ಮವನ್ನು ಮುಂದಕ್ಕೊಯ್ಯುವ ಒಂದು ಲಯಬದ್ಧವಾದ ಪ್ರಯತ್ನವನ್ನು ತಮ್ಮ ತಂಡ ಮಾಡುತ್ತಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಸಂವಹನ-ಸಂವಾದಗಳ ನೈತಿಕತೆಯ ಮೂಲಕ ಸಂಗ್ರಾಹ್ಯವಾಗಿ ತಮ್ಮ ತಂಡದ ಕೆಲಸಗಳು ನಡೆಯುತ್ತವೆ ಎಂದವರ ಅಭಿಪ್ರಾಯ.

ಮೋನಿಕಾ ನಾರುಲಾ ಅವರು ಒಂದು ಸಂದರ್ಶನದಲ್ಲಿ ತಮ್ಮಲ್ಲಿರುವ ಕಲಾವಿದ ರೂಪುಗೊಂಡ ಬಗೆಯನ್ನು ಹೀಗೆ ವಿವರಿಸಿದ್ದಾರೆ: In the 80s, we were the generation that saw mega-games, and genocide, in front of our eyes. We saw images of chemical leakage from a factory of everyday ever-readies, of a man in space, of police brutality on minorities and peasants, of the army entering a place of worship, of books being banned, students being killed, temple locks being played out, the slow bitter end to the long strike and extension of AFSPA into Punjab and Kashmir. We also saw the fall of the Berlin wall live and then, shortly after, the fall of an Empire and a war mobilized by a so-called victorious Empire. It shaped us. We are still unpacking its dimensions. We knew something was fundamentally problematic with sovereigns, and the stories the sovereign tells about itself and life under the sign of capitalism — and that many people, especially workers, are also reading and coming to similar conclusions. Our working life started with this recognition. (2015ರಲ್ಲಿ ಅನಾಬೆಲ್ ಡೆ ಗೆರ್ಸೀನಿ ಅವರಿಗೆ ಆಕ್ಯುಲಾ ಮ್ಯಾಗಜೀನಿಗಾಗಿ ನೀಡಿದ ಸಂದರ್ಶನದಲ್ಲಿ).

ಜಗತ್ತಿನಾದ್ಯಂತ ಹಲವು ಬಯನಾಲ್‌ಗಳಲ್ಲಿ, ಡಾಕ್ಯುಮೆಂಟಾದಂತಹ ಪ್ರಮುಖ ಕಲಾಪ್ರದರ್ಶನಗಳಲ್ಲಿ ಈ ತಂಡ ಪಾಲ್ಗೊಂಡಿದೆ.

ರಾಕ್ಸ್ ಮೀಡಿಯಾ ಕಲೆಕ್ಟಿವ್ಸ್ ಚಿಕಾಗೊ ವಿವಿಯಲ್ಲಿ ತಮ್ಮ ಕಲಾಕೃತಿಗಳನ್ನು ಪ್ರದರ್ಶಿಸಿ ಚರ್ಚೆಯಲ್ಲಿ ಪಾಲ್ಗೊಂಡದ್ದು :