ಧಾರವಾಡದಲ್ಲಿ ಗುರುವಾರ ನಡೆದ ಓಡಿಹೋದ ಹುಡುಗ ಕಾದಂಬರಿ ಬಿಡುಗಡೆ ಕಾರ್ಯಕ್ರಮದಲ್ಲಿ ಪುಸ್ತಕ ಬಿಡುಗಡೆ ಮಾಡಿ ಮಾತನಾಡಿದ ಹೇಮಾ ಪಟ್ಟಣಶೆಟ್ಟಿ ಅವರು ಈ ಕೃತಿಯು ಗ್ರಾಮೀಣ ಪ್ರದೇಶದ ರಸಾತ್ಮಕ ಅಂಶಗಳನ್ನು ಒಳಗೊಂಡಿದೆ ಎಂದು ಅಭಿಪ್ರಾಯಪಟ್ಟರು.

ಈ ಕಾದಂಬರಿಯು ಗಜ್ಯಾ ಎಂಬ ಹುಡುಗನನ್ನು ಕೇಂದ್ರೀಕೃತವಾಗಿಟ್ಟುಕೊಂಡು ರಚಿತವಾಗಿದ್ದು, ಹುಡುಗನ ಕ್ರಿಯಾಶೀಲತೆ, ಇಡೀ ಗ್ರಾಮವನ್ನು ಸಂತಸದಿಂದ ಇಟ್ಟುಕೊಳ್ಳುವ ಬಗ್ಗೆ ಹೀಗೆ ಒಟ್ಟಾರೆ ಹಳ್ಳಿ ವಾತಾವರಣದ ಬಗ್ಗೆ ಈ ಕೃತಿ ವಿವರಿಸುತ್ತದೆ.

ಕೇಂದ್ರ ಸಾಹಿತ್ಯ ಅಕಾಡೆಮಿಯ ಬಾಲ ಪುರಸ್ಕೃತ ಆನಂದ ಪಾಟೀಲ್‌ ಮಾತನಾಡಿ ಈ ಕಾದಂಬರಿಯು ಗ್ರಾಮೀಣ ಸೊಗಡು, ಬಾಲ್ಯದ ಅಸ್ಮಿತೆ ಬಗ್ಗೆ ಇದೆ ಎಂದು ಅಭಿಪ್ರಾಯ ಪಟ್ಟರು.