ನವದೆಹಲಿಯ ಭಾರತೀಯ ಪ್ರಕಾಶಕರ ಒಕ್ಕೂಟವು 2020ನೇ ಸಾಲಿನ ಅತ್ಯುತ್ತಮ ಪುಸ್ತಕಗಳ ವಿನ್ಯಾಸ ಮತ್ತು ಮುದ್ರಣಕ್ಕೆ ನೀಡುವ ಪ್ರಶಸ್ತಿಗಾಗಿ ಅಭಿನವ ಪ್ರಕಾಶನದ ಎಂ. ಬಸವಣ್ಣ ಅವರ ‘ಸಿಗ್ಮಂಡ್ ಫ್ರಾಯ್ಡ್’ (ಜೀವನ-ದರ್ಶನ) ಕೃತಿಗೆ ಪ್ರಥಮ ಬಹುಮಾನ ಹಾಗೂ ಸರ್ಟಿಫಿಕೆಟ್ ಆಫ್ ಮೆರಿಟ್ ಬಹುಮಾನಕ್ಕೆ ಹ. ಶಿ. ಭೈರನಟ್ಟಿ ಅವರ 'ಆರೋಹಣ' (ಮಕ್ಕಳಿಗಾಗಿ ವೈಜ್ಞಾನಿಕ ಕಾದಂಬರಿ) ಕೃತಿ ಆಯ್ಕೆಯಾಗಿದೆ.

ಕನ್ನಡ ಪುಸ್ತಕಗಳ ಈ ಆಯ್ಕೆಯು ರಾಷ್ಟ್ರಮಟ್ಟದಲ್ಲಿ ದೊರೆತ ದೊಡ್ಡ ಗೌರವ ಎಂದು ಪರಿಗಣಿಸಲಾಗುತ್ತಿದ್ದು, ವರ್ಚುವಲ್ ದೆಹಲಿ ಪುಸ್ತಕ ಮೇಳದಲ್ಲಿ (2020ರ ಅಕ್ಟೋಬರ್ 30 ರಂದು) ಬಹುಮಾನಗಳನ್ನು ವಿತರಿಸಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.