ಕನ್ನಡ ಪುಸ್ತಕ ಲೋಕದಲ್ಲಿ ವರ್ಷಕ್ಕೆ ಅಂದಾಜು ಏಳು ಸಾವಿರ ಪುಸ್ತಕ ಬಿಡುಗಡೆಯಾಗುತ್ತಿದ್ದರೂ ಓದುಗರ ಸಂಖ್ಯೆ ಕಡಿಮೆಯಾಗುತ್ತಿದೆ ಎಂಬ ಮಾತು ಕೇಳಿ ಬರುತ್ತಿದೆ. ಇದಕ್ಕೆ ಕಾರಣ ಅಂತರ್ಜಾಲದತ್ತ ಮುಖ ಮಾಡುತ್ತಿರುವುದು ಆದ್ದರಿಂದ ಡಿಜಿಟಲ್ ಮೂಲಕ ಕನ್ನಡ ಸಾಹಿತ್ಯವನ್ನು ಓದುಗರಿಗೆ ತಲುಪಿಸುವ ಕೆಲಸವನ್ನು ಬುಕ್ ಬ್ರಹ್ಮ - ಅಂತರ್ಜಾಲ ತಾಣ ಮಾಡುತ್ತಿದೆ. ಕನ್ನಡ ಸಾಹಿತ್ಯ ವಲಯದಲ್ಲಿ ಆಗುವ ಗಹನ ಚರ್ಚೆ, ಸಂವಾದ ವಿದ್ಯಮಾನಗಳನ್ನು‘ ಬುಕ್ ಬ್ರಹ್ಮ’ ದಾಖಲಿಸುವ ಮೂಲಕ ಕನ್ನಡ ಸಾಹಿತ್ಯ ಸೇವೆಯಲ್ಲಿ ಸಮರ್ಪಿಸಿಕೊಂಡಿದೆ.

ಓದುಗ-ಲೇಖಕ-ಪ್ರಕಾಶಕ-ವಿಮರ್ಶಕರನ್ನು ಒಂದೆಡೆ ಸೇರಿಸುವ ಅಂತರ್ಜಾಲ ತಾಣ ‘ಬುಕ್‌ ಬ್ರಹ್ಮ’ ಎಂದು ಫರ್ಬಿಂಡೆನ್‌ ಸಂಸ್ಥೆಯ ಮುಖ್ಯಸ್ತ ಸತೀಶ್ ಚಪ್ಪರಿಕೆ ಅವರು ಲೇಖಕ ‘ಜೋಗಿ’ಯೊಂದಿಗೆ ಶನಿವಾರ ಸುಚಿತ್ರ ಫಿಲ್ಮಂ ಸೊಸೈಟಿಯಲ್ಲಿ ಆಯೋಜಿಸಿದ ಅವಲೋಕನ ಕಾರ್ಯಕ್ರಮದಲ್ಲಿ ‘ಬುಕ್ ಬ್ರಹ್ಮ’ ಕಾರ್ಯವೈಖರಿಯನ್ನು ಪರಿಚಯಿಸಿದರು.