ಸಂಗಾತ ಕಥಾ ಸ್ಪರ್ಧೆಯಲ್ಲಿ ದಾದಾಪೀರ್ ಜೈಮನ್‌ರ 'ಜಾಲಗಾರ'ಕ್ಕೆ ಮೊದಲ ಬಹುಮಾನ ಸಂದಿದೆ. 

 'ಸಂಗಾತ' ತ್ರೈಮಾಸಿಕ ಸಾಹಿತ್ಯ ಪತ್ರಿಕೆ ಆಯೋಜಿಸಿದ್ದ ಯುವ ಕಥಾ ಸ್ಪರ್ಧೆಯಲ್ಲಿ  ದಾದಾಪೀರ್ ಜೈಮನ್ ಅವರ ಕಥೆ “ಜಾಲಗಾರ” ಕಥೆ ಬಹುಮಾನ ಪಡೆದಿದೆ. ದ್ವಿತೀಯ ಒಪ್ಪಿತ ಕಥೆಗಳಾಗಿ ಅಮರೇಶ ಗಿಣಿವಾರ ಅವರ 'ಹಿಂಡೆಕುಳು' ಮತ್ತು ಸಂಗನ ಗೌಡ ಹಿರೇಗೌಡ ಅವರ 'ಗಾಯದ ಬೆನ್ನು’ ಕಥೆಗಳು ಆಯ್ಕೆಯಾಗಿದೆ. ಬಹುಮಾನಿತ  ಕಥೆಗೆ 10000ರೂ., ಒಪ್ಪಿತ ಎರಡೂ ಕಥೆಗಳಿಗೆ ತಲಾ 5,000 ರೂ. ನಗದು ಬಹುಮಾನವಿದೆ. ಕತೆಗಳು ಸಂಗಾತದ ನವೆಂಬರ್ ಸಂಚಿಯಲ್ಲಿ ಪ್ರಕಟಗೊಳ್ಳಲಿವೆ. ಹಿರಿಯ ಬರಹಗಾರರಾದ ಕೇಶವ ಮಳಗಿ ಹಾಗೂ ವಿನಯ ಒಕ್ಕುಂದ ಅವರು ತೀರ್ಪುಗಾರರಾಗಿದ್ದರು. 2020ರ ಜನವರಿಯಲ್ಲಿ ಧಾರವಾಡದಲ್ಲಿ ನಡೆಯುವ ಸಂಗಾತ ಪತ್ರಿಕೆಯ ದ್ವಿತೀಯ ವಾರ್ಷಿಕೋತ್ಸವದಲ್ಲಿ ಬಹುಮಾನ ವಿತರಿಸಲಾಗುವುದು ಎಂದು ಸಂಗಾತ ಪತ್ರಿಕೆಯ ಸಂಪಾದಕ ಟಿ. ಎಸ್. ಗೊರವರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.