ನೆನ್ನೆ ಬಾಗಲಕೋಟೆಯಲ್ಲಿ ನವನಗರದ ಕನ್ನಡ ಸಾಹಿತ್ಯ ಪರಿಷತ್ ಸಭಾಭವನದಲ್ಲಿ ಕಾವ್ಯ ಪ್ರಕಾಶ ಶಿವಮೊಗ್ಗ ಇವರ ಸಂಯುಕ್ತಾಶ್ರಯದಲ್ಲಿ ಏರ್ಪಡಿಸಿದ್ದ ಪುಸ್ತಕ ಬಿಡುಗಡೆ ಚಿತ್ರಪ್ರದರ್ಶನ ಮತ್ತು ಪುಸ್ತಕ ಮಾರಾಟ ಕಾರ್ಯಕ್ರಮದಲ್ಲಿ ಶ್ರೀಹರಿ ಧೂಪದ ಅವರ ನವಿಲೂರ ದಾರಿಯಲ್ಲಿ ಕಥಾ ಸಂಕಲನ ಹಾಗೂ ಪುನರ್ವಸು ಪ್ರಶಾಂತ ಅವರ ತೊರೆದು ಜೀವಿಸಬಹುದೇ ಲೇಖನ ಪುಸ್ತಕಗಳನ್ನು ಲೋಕಾರ್ಪಣೆ ಗೊಂಡವು. ಕೇಂದ್ರ ಸಾಹಿತ್ಯ ಅಕಾಡೆಮಿ ಸದಸ್ಯ ಬಾಳಾಸಾಹೇಬ ಲೋಕಾಪುರ ಮಾತನಾಡಿ "ಪಾತ್ರಗಳ ಮೂಲಕ ಜಗತ್ತನ್ನು ನೋಡುವ ದೃಷ್ಟಿಕೋನ ಕಥೆಗಾರರಿಗೆ ಇರಬೇಕು" ಎಂದು ಹೇಳಿದರು. ಕೃತಿ ಬಿಡುಗಡೆ ಕಾರ್ಯಕ್ರಮದಲ್ಲಿ 250ಕ್ಕೂ ಹೆಚ್ಚು ಜನ ಸಾಹಿತ್ಯಾಸಕ್ತರು ಭಾಗವಹಿಸಿದ್ದರು. ಸಾಹಿತ್ಯ ಅಕಾಡೆಮಿ ಸದಸ್ಯ ಬಾಳಾಸಾಹೇಬ ಲೋಕಾಪುರ ಅವರು ಮಾತನಾಡಿ ಪಾತ್ರಗಳ ಮೂಲಕ ಜಗತ್ತನ್ನು ನೋಡುವ ದೃಷ್ಟಿಕೋನ ಕಥೆಗಾರರಿಗೆ ಇರಬೇಕು ಎಂದು ಹೇಳಿದರು. ಉತ್ತರ ಕರ್ನಾಟಕದ ದೂರದೂರುಗಳಿಂದಲೂ ಸಾಹಿತ್ಯಾಸಕ್ತರು ಬಂದದ್ದು ಕಾರ್ಯಕ್ರಮ ಆಯೋಜಕರಿಗೆ ಮತ್ತಷ್ಟು ಹುಮ್ಮಸ್ಸು ನೀಡಿತು. ಕಥೆಗಾರ ಹನುಮಂತ ಹಾಲಿಗೇರಿ, ಲೇಖಕರಾದ ಶ್ರೀಹರಿ ಧೂಪದ, ಪುನರ್ವಸು ಪ್ರಶಾಂತ, ಪದ್ಮಜಾ ಜೋಯಿಸ್, ಕಿರಣ ಬಾಳಾಗೋಳ, ಅಬ್ಬಾಸ್ ಮೇಲಿನಮನಿ, ಶ್ರೇಯಾಂಶ, ಮುತ್ತು ಬಳ್ಳಾ, ಬಸವರಾಜ ಗೌಡರು ಉಪಸ್ಥಿತರಿದ್ದರು.