ಯುವ ಬರಹಗಾರ ಸುಪ್ರೀತ್‌ ಕೆ.ಎನ್‌. ಅವರು ರಚಿಸಿರುವ 'ಸಾವು' ಕಾದಂಬರಿಯನ್ನು ಖ್ಯಾತ ಅಂಕಣಕಾರ, ಲೇಖಕ ರೋಹಿತ್ ಚಕ್ರತೀರ್ಥ ಅವರು ಫೇಸ್ ಬುಕ್‌ ಲೈವ್‌ ಕೃತಿ ಬಿಡುಗಡೆ ಮಾಡಿದರು. 

ನಂತರ ಅವರು ಮಾತನಾಡಿ,“ಸುಪ್ರೀತ್‌ ತಮ್ಮ ಕಿರು ವಯಸ್ಸಿನಲ್ಲೇ 'ಸಾವು' ಎಂಬ ಗಂಭೀರ ವಿಷಯ ವಸ್ತುವನ್ನು ಕೇಂದ್ರವಾಗಿಸಿಕೊಂಡು, ಎರಡು ವ್ಯಕ್ತಿಗಳ ಸಾವಿನ ಜಿಜ್ಞಾಸೆಯ ವೈರುಧ್ಯವನ್ನು ತೆರೆದಿಡುವಂತಹ ಉತ್ತಮ ಕಾದಂಬರಿ ರಚಿಸಿರುವುದು ಅವರ ಪ್ರಬುದ್ಧತೆಗೆ ಸಾಕ್ಷಿ. ಇದೊಂದು ಪ್ರಯೋಗವೇ ಸರಿ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಲಾಕ್‌ಡೌನ್‌ ಹಿನ್ನೆಲೆಯ ಕಾರಣ ಹೀಗೆ ಫೇಸ್ ಬುಕ್‌ ಲೈವ್‌ನಲ್ಲಿ ಕೃತಿ ಬಿಡುಗಡೆ ಮಾಡಲಾಗಿದೆ ಎಂದು ಸಮನ್ವಿತ ಪ್ರಕಾಶಕ ರಾಧಾಕೃಷ್ಣ ಅವರು ತಿಳಿಸಿದರು. ಶ್ರೀವತ್ಸ ಎಂ. ಸುಬೋಧ, ಕೃತಿಯ ಕರ್ತೃ ಸುಪ್ರೀತ್‌ ಕೆ. ಎನ್. ಉಪಸ್ಥಿತರಿದ್ದರು.