ಗರ್ಭವೆಂಬ ಗರ್ಭಗುಡಿಯಲ್ಲಿ ಉದ್ಭವಿಸಿ
ದಿನನಿತ್ಯ ರಕ್ತಾಭಿಷೇಕದಲ್ಲಿ ತೇಲಿಸಿ
ಕರುಳೆಂಬ ಹೂಮಾಲೆಯಲ್ಲಿ ತುಂಬಿಸಿ
ನಿತ್ಯ ಪ್ರೀತಿ, ಮಮತೆ,ಕರುಣೆಯಿಂದ ಪೂಜಿಸಿ
ನವ ಮಾಸದ ನಂತರ ಹೊರ ತಂದೆ ಮೆರವಣಿಗೆಗಾಗಿ.
ದೇವರ ಜೂತೆ ಮೆರವಣಿಗೆಯ ಅನುಭವದ ತೇರಿನಲ್ಲಿ
ಪಡೆದೆ ಮಡಿಲು ಸ್ಪರ್ಶದ ಮಮತೆ
ಕುಡಿದೆ ಎದೆ ಹಾಲಿನ ಅಮೃತ
ಸವಿದೆ ಭುಜದ ನಿದ್ರೆಯ ಸುಖ
ಮುಳುಗಿದೆ ಅಮ್ಮ ಎಂಬ ಅಳುವಿನ ಅಮಲಿನಲ್ಲಿ
ತೆರೆಯದ ಕಣ್ಣಿಗೆ ದೃಷ್ಟಿ ತಾಯಿ
ಅರಿಯದ ಬುದ್ದಿಗೆ ಅರಿವು ತಾಯಿ
ಹಸಿದ ಹೊಟ್ಟೆಗೆ ಆಹಾರ ತಾಯಿ
ತೊದಲು ನುಡಿಗೆ ಮಾತು ತಾಯಿ
ಮಿಡಿವ ಹೃದಯಕ್ಕೆ ಉಸಿರು ತಾಯಿ
ಮಾಡದಿರು ಜೀವನದಲ್ಲಿ ಎರಡಕ್ಷರ ಪದದ
ಹುಡುಕಾಟ ಅದು ವ್ಯರ್ಥ
ಮರೆಯದಿರು ಜೀವನದಲ್ಲಿ ಎರಡಕ್ಷರ ಜೊತೆಗೆ ಒಡನಾಟ ಅದುವೇ ಸಮರ್ಥ.
Latest Comments
JAYANTH
Jul 22,2020Awesome lines...❤
Manoj
Jul 09,2020👌👌👌👌
Preetham
Jul 08,2020Super Lines...ALL THE BEST
Vinay datta bhousle .D
Jul 08,2020Lovely