ಹೂ-ದುಂಬಿ

ಹೂಬನದೊಳಗೆ ದುಂಬಿಗಳಾಟ
ನಡೆದಿತು ಹಬ್ಬದ ರಸದೂಟ
ಸೆಳೆಯಲು ತಾ ಜಗದ ಕಣ್ಣೋಟ
ಮಾಡಲು ಸಕಲರಿಗೂ ಮಾಟ

ಝೇಂಕಾರ ದನಿ ದುಂಬಿಗಳಿಂದ
ಮೋಹಗೊಂಡಿತು ಸುಮವೃಂದ
ಮೆಲ್ಲನೆ ತೆರೆಯಲು ಮೊಗ್ಗಿನ ಕದ
ಸವಿಯಿತು ಭ್ರಮರ ಮಕರಂದ

ಬಾಡುವೆನೆಂಬ ಭಾವವ ಮರೆತು
ಅರಳಿತು ಸುಮ ಚೆಲುವ ಬೀರುತ
ಜಗದ ಮನವು ತಣಿಯಲಿ ಎನ್ನುತ
ನಗುತಲಿ ಸೌಗಂಧವ ಸೂಸುತ

ಬೈಗೊಳು ಮುದುಡಿ ನೆಲವನು ಸೇರಿತು
ಸಾರ್ಥಕ್ಯದ ಭಾವವ ತುಂಬಿ
ಸ್ವಾರ್ಥವೇ ತುಂಬಿದ ಮನುಕುಲಕೆ
ಪಾಠವ ಕಲಿಸಿತು ಹೂ-ದುಂಬಿ