ಕವಿತೆ ಬೇಕಾಗಿದೆ

ಕವಿತೆ ಬೇಕಾಗಿದೆ
ಎದೆಯ ಗೂಡಿನ 
ತೊಳಲಾಟದ ಮಾಪಕವಾಗಿ 
ರಮ್ ಕುಡಿದ ಕುದುರೆಯಂತೆ
ಹುಚ್ಚೆದ್ದು ಓಡುವ 
ಮನಸಿಗೊಂದು ಲಾಗಮಿನಂತೆ

ಕವಿತೆ ಬೇಕಾಗಿದೆ
ಭಾವಗಳ ಅಪ್ಡೇಟ್ ಮಾಡುವಂತದ್ದು
ಕನಸುಗಳ ಯ್ಯಾಂಡ್ರಾಯ್ಡ್ ವರ್ಷನ್ 
ಬದಲಿಸುವಂತದ್ದು

ಕವಿತೆ ಬೇಕಾಗಿದೆ
ಸಂಭಂದಗಳ ನಡುವೆ಼
ಸತ್ಯತೆಯ ಉಳಿಸುವಂತದ್ದು
ಅಸತ್ಯತೆಯ ಮುಖವಾಡ 
ಕಳಚುವಂತದ್ದು

ಕವಿತೆ ಬೇಕಾಗಿದೆ
ನಾನೆಂದು ಅರಿಯುವುದಕ್ಕೆ
ನನ್ನೊಳಿಹ ನಿನ್ನನ್ನು ತಿಳಿಗೊಳಿಸಲಿಕ್ಕೆ

ಅತಿ ತುರ್ತಾಗಿ ಕವಿತೆ ಬೇಕಾಗಿದೆ 
ಮನದೊಳಗೆ ತುರ್ತು ಪರಿಸ್ಥಿತಿ 
ಘೋಷಿಸುವ ಮೊದಲು
ಕವಿತೆ ಬೇಕಾಗಿದೆ ತುರ್ತಾಗಿ ಕವಿತೆ ಬೇಕಾಗಿದೆ