ಮಲೆನಾಡು

ಕಾದ ನನ್ನೆದೆಯ ಭಾವಕಿರಣಗಳ
ತಂಪಾಗಿಸುವ ಮಡಿಲು ನೀನು
ನನ್ನ ಕಿರುನಗೆಯ ಸದ್ದಾಲಿಸೋ
ಸೊಬಗಿನ ಅತೀವ ಸುಂದರಿ ನೀನು
ಹಚ್ಚ ಹಸಿರ,ಸೂರ್ಯಕಿರಣಗಳ ಅಂಚಿನ
ಸೀರೆಯುಟ್ಟ ನನ್ನ ಗೆಳತಿ ನೀನು
ನಿನ್ನ ಮುದ್ದಾದ ಮೈ ಮಾಟಕೆ ಸೋತು
ಮೂಖನಾದ ಮಾತುಗಾರ ನಾನು
ನಿನ್ನ ನಾಚುವ ಕೆಂಬಣ್ಣದ ತುಟಿಯ
ನಗುವ ಸೆರೆ ಹಿಡಿಯುವ ಪ್ರೇಕ್ಷಕ ನಾನು
ನಿನ್ನ ನಿರ್ಮಲ ಶೋಭಿತ ಮನಸ್ಸಿನಾಳದಲಿ
ಸುಳಿಯುವ ನೆನಪಿನ ಮಂದ ಅಲೆ ನಾನು
ನನ್ನ ಕೆರಳಿಸಿ ಕವಿತೆ ಮೂಡಿಸಿದ ನಿನ್ನ
ಮೋಡಿಗೆ ಶರಣಾದ ಪ್ರೇಮಿ ನಾನು

ಇನ್ನೆಷ್ಟು ನಾ ನಿನ್ನ ಪ್ರೀತಿಸಲಿ
ಜೋಡದ ಪದಗಳ ಪೋಣಿಸಲಿ...?
ಹೇಳು ಬಾ...
ಓ ನನ್ನ ಮಲೆನಾಡೇ....
ನಾ ಮೌನಕೆ ಮುತ್ತಿಡುವ ಮೊದಲೆ
ಹೇಳು ಬಾ...