ಮೋಹನ ರಾಗ

ಹಾಡು ಹಕ್ಕಿಯಾಗಿ ಮನವು ಹಾಡುತಿಹುದು ತನನನಾ
ಮನದ ವೀಣೆ ನುಡಿಸಿ ಶ್ಯಾಮ ಬರುವ ದಿನ ದಿನ
ಕಾಡು ಬಿದಿರು ಕೊಳಲಾಗಿ ಮಾಧವನ ಬೆರಳಂಚಲಿ
ಗಾನಲೋಕದೆಡೆಗೆ ಸಪ್ತಸ್ವರದ ಸಮ್ಮೋಹನ

ಅದರಗಳು ಆದರದಿ ಮುರಳಿಯ ಬಿಗಿದಪ್ಪಿರಲು
ಸನಿ ಸನಿಹ ಸರಿದ ಬೆರಳಂಚಿನ ಸ್ಪರ್ಶಕೆ
ಹೊರಟಿತ್ಹಲವು ರಾಗವು ರಾಗ ಮೇಳ ವಾಗಿ
ಎದೆಯ ಭಾವ ಜೊತೆಯಾಗಿ ಮೋಹನಾದಕೆ

ಭಾಮೆಯೊಡಗೂಡಿ ಬಾ ಮಾಧವ ಮಧುಸೂದನ
ಕ್ಷೀರಸಾಗರದಿ ಜಳಕಗೈದು ಬೃಂದಾವನಕೆ
ಮರಳಿ ಮುರಳಿಯ ನುಡಿಸಿ ಮುದ ನೀಡಿ
ನಿನ್ನಾಗಮನಕೆ ಕಾದಿಹ ಭಕ್ತವೃಂದಕೆ