ತವಕಿಸಲು ಭುವಿಯು ಬೆಳಕಿನ ಹಂಬಲದಿ
ಇರುಳು ಕಳೆದು ಎಂದೂ ಬೆಳಕಾಗದೇ...?
ಜಗದ ಗ್ರಹಣ ಕಳೆವುದೇ ಎಂದು ಕಾದಿಹೆವು
ನಂಬಿಕೆಯೊಂದೇ ನಮ್ಮನ್ನು ಕಾಪಾಡದೇ...?
ಕಾಣದ ಶಕ್ತಿ ಪ್ರಪಂಚವನ್ನೇ ನಡುಗಿಸಲು
ನಂಬಿಕೆ ಎಂಬ ಊರುಗೋಲು ಜಗತ್ತನ್ನೇ ನಡೆಸಿಹಲು |
ಸಮಾಜದ ಸೇವಕರು ದಿಟ್ಟತನದಿಂ ಕಾದಾಡಲು
ನಂಬಿಕೆಯೊಂದೇ ನಮ್ಮನ್ನು ಕಾಪಾಡದೇ...?
ಸ್ವತಂತ್ರದಿಂದಿದ್ದ ಮನುಜ ಹೆದರಿ ಪಂಜರದ ಪಕ್ಷಿಯಂತಾಗಿರಲು
ಮಲಿನಗೊಂಡಿದ್ದ ಪಂಚಭೂತಗಳು ಮರಳಿ ಶುದ್ಧತೆಯ ಪಡೆದಿರಲು |
ಪ್ರಕೃತಿಯು-ಪುತ್ರರಿಗೆ ಉತ್ತಮ ಪಾಠವನ್ನೇ ಕಲಿಸಿರಲು
ಇನ್ನಾದರೂ ಹೇಳಿ ನಂಬಿಕೆಯೊಂದೇ ನಮ್ಮನ್ನು ಕಾಪಾಡದೇ...?
Latest Comments
No comments are available!