ನನ್ನ ಮಾದರಿ

ನನ್ನ ಮಾದರಿ...

ಸದಾ ಛಿದ್ರ-ವಿಛಿದ್ರ ಅರಚುಗಳ ವಿದ್ಯಾಲಯ ನಾಯಕರಲ್ಲ ನನ್ನ ಮಾದರಿ;
ಸಮಾಜವಾದವನ್ನು ಉಸಿರಾಗಿಸಿಕೊಂಡು ಸ್ವತಂತ್ರಕ್ಕಾಗಿ ಹುತಾತ್ಮರಾದ ಭಗತ್ ಸಿಂಗ್ ನನ್ನ ಮಾದರಿ;

ದೇಶವನ್ನು ತುಂಡು-ತುಂಡಾಗಿಸುವ ವಿಕಾರಿ ಮನಸ್ಥಿತಿಯಲ್ಲ ನನ್ನ ಮಾದರಿ;
ದೇಶವನ್ನು ಅಖಂಡವಾಗಿಸಿ ಎಲ್ಲರನ್ನೂ ಕೈ ಹಿಡಿದು ನಡೆಸುವ ಪ್ರಖಂಡತೆ ನನ್ನ ಮಾದರಿ;

'ಕಾಶ್ಮೀರ'ವನ್ನು ಕಡಿದು ಸ್ವತಂತ್ರವನ್ನು ಅತಂತ್ರ- ಪರತಂತ್ರವಾಗಿಸುವುದಲ್ಲ ನನ್ನ ಮಾದರಿ;
'ಕಾಶ್ಮೀರ'ವೆಂಬುದು ಬರೀ ನೆಲವಲ್ಲ ಅದು ಭಾರತಾಂಬೆಯ 'ಶಿರ' ಅದ ಕಾಯುವುದು ನನ್ನ ಮಾದರಿ;

ಅಲ್ಲಗಳಲ್ಲಿ ದೇಶಪ್ರೇಮವ ಹುಡುಕಿ ಹುಡುಕಿ ಪ್ರೇಮಶೂನ್ಯವಾಗಿಸುವುದಲ್ಲ ನನ್ನ ಮಾದರಿ;
ಅಲ್ಲಗಳನ್ನು ಅಹುದಾಗಿಸುವ, ಕೊಂಕು ಸೋಕಿದರೆ ರೋಮಗಳೆದ್ದು ನಿಲ್ಲುವ ದೇಶಪ್ರೇಮ ನನ್ನ ಮಾದರಿ;

ನಮ್ಮ ಸೈನಿಕರನ್ನು ನಿಂದಿಸುವ, ಶೌರ್ಯ- ತ್ಯಾಗವನ್ನು ಹೀಗಳೆಯಿವುದಲ್ಲ ನನ್ನ ಮಾದರಿ;
'ಸೈನಿಕರು ಚೆಲ್ಲಿದ ರಕ್ತದೋಳು ಉಸಿರಾಡುತ್ತಿರುವ ಬಿಂಬ ನಾನು' ಎಂಬ ಹಸಿ ಸತ್ಯದ ಸಾರ್ಥಕತೆ ನನ್ನ ಮಾದರಿ;

ಎಡ ಬಲ ಮಧ್ಯಮಗಳೆಲ್ಲ ಬೇರೆ ಬೇರೆ, ಬೇರೆ ಬೇರೆ ಎನ್ನುವುದಲ್ಲ ನನ್ನ ಮಾದರಿ;
ಎಡ,ಬಲ ಮಧ್ಯಮಗಳೆಲ್ಲ ಸೇರಿ ಮಿಡಿವ ಹೃದಯ ನನ್ನ ಮಾದರಿ;