೧
ಹೇ ಮಲೆನಾಡಗಿತ್ತಿ, ಓ ಸೌಂದರ್ಯಗಿತ್ತಿ
ನೀನೆಷ್ಟು ಮೋಹಕ
ನಿನ್ನ ಅಂದ ಚಂದದ ವಿಸ್ಮಯಕ್ಕೆ
ಸಿಕ್ಕ ಬಹುಚಿಕ್ಕ ಮಿಡಿತ ನಾನು
ಮೈ ಮನಗಳ ಮರೆತ ಮಲೆನಾಡಿಗ ನಾನು !
೨
ಇಲ್ಲಿರುವ ಗಿಡ ಮರಗಳು
ಬರೀ ಹಚ್ಚ ಹಸಿರಲ್ಲ
ಬೀಳ್ವ ಮಳೆ ಬರೀ ನೀರಲ್ಲ
ನಮಗವೋ ಒಡನಾಡಿ,
ನಮ್ಮೊಂದಿಗೆ ಬದುಕೋ ಜೀವನಾಡಿ.
ಹೇ ಶಂಕರ ನೀನೆಂಥ ಜಾದುಗಾರ !
೩
ನಮ್ಮೊಡಲ ಆಸೆಗಳ ಗರಿಬಿಚ್ಚಿ
ನಿನ್ನೊಡಲ ಬಗೆದು ಬಿತ್ತಿ
ಬೆಳೆದ ಬೆಳೆ ಶುಂಠಿ ಅಡಿಕೆ ಜೋಳ ಹತ್ತಿ
ನಮ್ಮೆಲ್ಲಾ ಅನಾಚಾರ ಸಹಿಸಿ
ಸಲಹುತ್ತಿರುವೇ ಓ ಮಲೆನಾಡಗಿತ್ತಿ
ಕರುಣೆಯಲಿ ನೀ ಸಹಸ್ರ ಹೃದಯಗಿತ್ತಿ !
೪
ಬದುಕ ಹೊರೆಗೆ ಬೆಂದು
ಬಾಡಲಿಲ್ಲ ನಾವು ಎಂದು
ನೀ ಚೆಲುವ ಚಿತ್ರಗಳ ರಚಿಸಿ
ನಮ್ಮ ಗಮನ ಮರೆಸಿ
ನಮ್ಮಂತೆ ನಾವು ಬಾಳುತ್ತಿರುವೆವು
ಓ ಮಲೆನಾಡಗಿತ್ತಿ ನೀ ಮೋಹಕತೆ ಬಿತ್ತಿ !
೫
ಬಿದ್ದ ಮಳೆಯು ಸರ್ವರನ್ನು ತೋಯಿಸಿ ನಡುಗಿಸುವುದಿಲ್ಲಿ
ಹಚ್ಚ ಹಸಿರು ನೀಡುವುದು ಒಂದೇ ಉಸಿರಿಲ್ಲಿ
ಗುಡಿಸಲು ಭಂಗಲೆಗೆ ಹರಿಯುವುದು ಒಂದೇ ಬೆಳಕಿಲ್ಲಿ
ಬಡವ ಶ್ರೀಮಂತ ಬೇಧವಿಲ್ಲ ನಿನ್ನಲ್ಲಿ
ಓ ಮಲೆನಾಡಗಿತ್ತಿ ನೀ ಸಮನ್ವಯಗಿತ್ತಿ
By: ಮಧುಕುಮಾರ್ ಎನ್.
Share On
Comments[5] Likes[23] Shares[7]
Submit Your Comment
Latest Comments
NAIK GEETA UGEETA
Jul 09,2020
ಗೀತಾ ನಾಯ್ಕ್.... ಮಲೆನಾಡಿನ ಸೌಂದರ್ಯ ಕಣ್ಮುಂದೆ ಸೆರೆಹಿಡಿದಂತಿದೆ . ಸುಂದರವಾದ ರಚನೆ. ಸೂಪರ್.... ಜುಲೈ08 2020.
Srikanth N hegde
Jul 09,2020
ಮಲೆನಾಡಿನ ಗುಣಗಾನ ,,,,ಸೊಗಸಾಗಿದೆ
ಸುಷ್ಮಾ ಬಿ. ಎಸ್.
Jul 08,2020
ಮಲೆನಾಡ ತಾಯಿಯ ಗುಣಗಾನವನ್ನು ಹೇಳತೀರದು...ನೀವು ನಿಮ್ಮ ಸುಂದರವಾದ ಪದಮಾಲೆಯಿಂದ ಅವಳನ್ನು ಚಂದವಾಗಿ ಅಲಂಕರಿಸಿದ್ದೀರಿ 👌
Latest Comments
NAIK GEETA UGEETA
Jul 09,2020ಗೀತಾ ನಾಯ್ಕ್.... ಮಲೆನಾಡಿನ ಸೌಂದರ್ಯ ಕಣ್ಮುಂದೆ ಸೆರೆಹಿಡಿದಂತಿದೆ . ಸುಂದರವಾದ ರಚನೆ. ಸೂಪರ್.... ಜುಲೈ08 2020.
Srikanth N hegde
Jul 09,2020ಮಲೆನಾಡಿನ ಗುಣಗಾನ ,,,,ಸೊಗಸಾಗಿದೆ
ಸುಷ್ಮಾ ಬಿ. ಎಸ್.
Jul 08,2020ಮಲೆನಾಡ ತಾಯಿಯ ಗುಣಗಾನವನ್ನು ಹೇಳತೀರದು...ನೀವು ನಿಮ್ಮ ಸುಂದರವಾದ ಪದಮಾಲೆಯಿಂದ ಅವಳನ್ನು ಚಂದವಾಗಿ ಅಲಂಕರಿಸಿದ್ದೀರಿ 👌
Nopishankara M L
Jul 08,2020ಮಲೆನಾಡಿನ ಇಂದಿನ ಪರಿಸರ ದ ಕಾವ್ಯಾತ್ಮಕ ಅನಾವರಣವಾಗಿದೆ.