ಪರಿಚಿತರು

ಹೊಸ ಬಂಧನದ ಎಳೆಯಲ್ಲಿ ಎರಡು ಜೀವಗಳು 
ಆಗ ತಾನೇ ಮುಗಿದಿದ್ದವು ಎಲ್ಲ ಶಾಸ್ತ್ರಗಳು 
ಅಪರಿಚಿತರಂತೆ ಇಬ್ಬರ ಮುಖ ಭಾವಗಳು 
ಪರಿಚಿತರಾಗಲು ತುದಿಗಾಲಲ್ಲಿ ಕಾದಿದ್ದವು ಮನಗಳು 

ಶುರುವಾಗಿತ್ತು ಮುಂಗಾರಿನ ಹನಿಗಳ ಇಳಿಕೆ 
ಇಬ್ಬರ ನಡುವೆ ಮರೆ ಸರಿಸಲು ಕ್ಷಣಗಳ ಎಣಿಕೆ 
ಸಜ್ಜಾಗಿತ್ತು ಹೊರಬರಲು ಅವಿತಿದ್ದ ಬಯಕೆ 
ಅಪರಾದದ  ಅರಿವಾಗಿ ಶರಣಾಗಿತ್ತು  ನಾಚಿಕೆ 

ಕಾಮನ ಬಿಲ್ಲಿನಿಂದ ಹೃದಯಗಳಿಗೆ ನಿರಂತರ ಕರೆಗಳು 
ಪಿಸುಗುಟ್ಟಿ ಉತ್ತರಿಸಿದ ನೆಪದಿ ಒಂದಾದ ಮನಗಳು 
ಬೀಳುವ ಹನಿಗಳನೆಲ್ಲ ಹಿಡಿದಾಡುತ  ಜೋಡಿ ಕೈಗಳು 
ಮಳೆಯ ಬಲೆಯಲ್ಲಿ ಸೆರೆಯಾಗಿದ್ದ ಜೀವಗಳು 

ಮೌನದ ಮಾತುಗಳು  ವಿಪರೀತ ವಿನಿಮಯ 
ಇಬ್ಬರ  ತುಟಿಗಳ ನಡುವೆ  ಅಂತರವಿಲ್ಲದೆ 
ಪ್ರೇಮದ ತಾಳದಂತೆ ಇಬ್ಬರ ಅಭಿನಯ 
ಇದು ಮುಂಗಾರಿನ ಸಿಹಿ ಸಂಚಲ್ಲವೇ..??