ಸಾವಿನೊಳು ಮದ್ದು

ಮನಸ್ಸಿಗೆ ಮದ್ದು ನೀಡುವುದಾದರ
ದೇಹಕ್ಕ ಮದ್ದಯಾಕ ಬೇಕ 
ಮನಸ್ಸಿನ ನೋವನ್ನ ಮಾತಾಗಿ ಹಂಚಿ
ಮೌನವ ನೀ ಹೂರಗ ಹಾಕ

ಸರಿ ಸರಿಯೇ ಜೀವ
ಮೆಲಕ್ಕ ಹೋಗತಿನಂತ
ದೇಹಕ್ಕ ಒಮ್ಮೆ ಹೇಳಿತಂತ
ಮನಸ್ಸಿಗೆ ಮದ್ದ ನೀಡುವುದಾದರ
ದೇಹಕ್ಕ ಮದ್ದಯಾಕ ಬೇಕ

ಅಕ್ಕನ ಮುಂದ ಅಣ್ಣನ ಮುಂದ
ಸತ್ತ ಅವ್ವನ ನೆನದಂಗ್ಹ ಆತ
ಕೈ ಮಾಡಿ ಆಕೀ ಕರದಂಗ್ಹ ಆತ
ಕೈ ಮಾಡಿ ನಿನ್ನ ಕರದಂಗ್ಹ ಆತ

ಆಸೆಗೆ ಮೀರಿದ ಲೋಭಕ್ಕ ಜಾರಿದ 
ಮನಸ್ಸಿನ ಮಾತ ನೀಯಾಕ ಕೇಳ ಬೇಕ
ನೀ ಯಾಕ ಕೇಳ ಬೇಕ
ಸತ್ತು ಛಟ್ಟದಿ ನಿನ್ನ ಎತ್ತುವ
ನಾಲ್ಕು ಹೆಗಲಗಳಿದ್ದರ ಅಷ್ಟ ಸಾಕ

ಮನಸ್ಸಿಗೆ ಮದ್ದ ನೀಡುವುದಾದರ 
ದೇಹಕ್ಕ ಮದ್ದ ಯಾಕ ಬೇಕ