ಸೋಲು

ಒಂದೇ ಒಂದು ಬುದ್ದಿ ಮಾತು
ಸೋಲೆ ನಿನಗೆ ಮೊದಲ ತುತ್ತು
ಹಲವು ತುತ್ತ ಹೊರತು
ಶಕ್ತಿ ಬರದು ಜೀವಕೆ
ಹಲವು ಸೋಲ ಹೊರತು
ಈಡೇರದು ಗೆಲ್ಲುವ ಬಯಕೆ

ಇಲ್ಲಿ ಪ್ರಯತ್ನ ಒಂದೇ ಬೆಳೆವ ದಾರಿ
ಸೋಲೆ ಅದರ ರಾಯಭಾರಿ!

ಕೇಳುತಿರು ಜನರ ಮಾತು
ಕೊಂಕು ಮಾತೇ ನಿನಗೆ ಮುತ್ತು
ಹಲವು ಜನರ ಶ್ರಮದ ಹೊರತು
ಮುತ್ತು ಸಿಗದು ಕೈಯಿಗೆ
ಹಲವು ಕೊಂಕು ಮಾತ ಹೊರತು
ಧೈರ್ಯ ಬರದು ಮುಯ್ಯಿಗೆ

ಇಲ್ಲಿ ನೀನು ನುಗ್ಗಬೇಕು ಬಿದ್ದರು ಜಾರಿ
ಅವಮಾನವೇ ನಿನಗೆ ರಾಯಭಾರಿ!

ಕೊನೆಯದಾಗಿ ಒಂದು ಮಾತು
ಭಯವೇ ಬೇಡ ಸೋಲ ಕುರಿತು
ಹಲವು ಗೆಲುವು ಕಂಡರುನು
ಇಹುದು ಸೋಲ ಹೆದರಿಕೆ
ಹಲವು ಸೋಲು ಕಂಡವನಿಗೆ 
ಅದೇ ಹಾದಿ ಜಯಕೆ

ಇಲ್ಲಿ ಗೆಲುವು ನಿನಗೆ ದೂರದ ದಾರಿ
ಸೋಲೆ‌ ನಿನಗೆ ರಾಯಭಾರಿ!!