ವಾಸ್ತವ

ವಾಸ್ತವ

ಧರೆಯಲ್ಲಿ ರಕ್ತ ಪಿಪಾಸುಗಳೇ
ಹೆಚ್ಚುತ್ತಿದ್ದಾರೆ
ರಕ್ತ ಬೀಜಾಸುರನಂತೆ

ದುಡಿವವರ
ರಕ್ತ ಹೀರುತ್ತಿದ್ದಾರೆ
ಜಿಗಣೆಯಂತೆ

ದೀನದಲಿತರ
ನಿದ್ದೆ ಕಸಿದಿದ್ದಾರೆ
ತಿಗಣೆಯಂತೆ

ಜಾತಿ-ಮತವೆಂಬ
ಜಾಡ್ಯ ಅಂಟಿಸುತ್ತಿದ್ದಾರೆ
ಸೊಳ್ಳೆಯಂತೆ

ಇತ್ತೀಚೆಗೆ ವೈರಸ್‌
ಕೂಡ ಕಾದು ಕುಳಿತಿದೆ
ಆ್ಯಂಟಿ ವೈರಸ್ ಇಲ್ಲದ
ಬಡವರ ಬಲಿಗೆ

ಜನಸಾಮಾನ್ಯರನ್ನೇ ಟಾರ್ಗೆಟ್
ಮಾಡಿಕೊಂಡ ಜಿಗಣೆ-ತಿಗಣೆ
ಸೊಳ್ಳೆ-ವೈರಸ್ ಗಳಿಗೆ
ಅಂತಸ್ತಿನರಮನೆಯಲ್ಲಿ 
'ನೋ ಎಂಟ್ರಿ'

ಏಕೆಂದರೆ ಅವರ ಬಳಿ
ಜಿಗಣೆಗೆ 'ಗಂಬೂಟ್' ಇವೆ
ತಿಗಣೆಗೆ 'ಹಿಟ್' ಇದೆ
ಸೊಳ್ಳೆಗಳಿಗಂತೂ 'ಗುಡ್ ನೈಟ್' ಇದೆ
ಇನ್ನೂ ವೈರಸ್ ಗಳಿಗೆ 
'ಮಾಸ್ಕ್, ಕಿಟ್' ಇವೆ

ಉಳ್ಳವರ ಪುಂಡಾಟಕ್ಕೆ
ಬೇಲ್ ಬಿಡುಗಡೆ ಭಾಗ್ಯ
ಬಡವರ ಬದುಕಿನ ಹೆಣಗಾಟಕ್ಕೆ
ಖೇಲ್ ಖತಮ್ ನಾಟಕ ಬಂದ್
ಲೂಟಿ-ಲಾಠಿ ಭಾಗ್ಯ !