ಅಮ್ಮಾ...

ಅಮ್ಮಾ ನಿನ್ನ ಮಡಿಲಲ್ಲಿ
ಮಲಗಬೇಕಮ್ಮ ಒಮ್ಮೆ.
ಪ್ರೀತಿಸುವೆ ನಿನ್ನನು
ಮಲಗಿಸು ನನ್ನನು
ನಿನ್ನೆಯಾ ಧನಿಯಲ್ಲಿ
ಲಾಲಿಯ ಹಾಡಮ್ಮ||

ನೀನಿದ್ದರೆ ಬೆಳಕಮ್ಮ
ನನ್ನೊಲವ ಜೀವಮ್ಮ
ಕರುಣೆಯ ಕಡಲೇ ನೀನು
ನೀನೊಂದು ಬೆರಗಮ್ಮ||

ದೇವತೆಯೂ ನೀನಾದೆ
ಬೆರಳಿಡಿದು ನಾ ನಡೆದೆ
ಇನ್ನೂನೂ ನಡೆಸು ನನ್ನ
ನಾನೆಂದಿಗು ನಿನ್ನ ಕೂಸಮ್ಮ||

ಆ ಲಾಲಿಯ ಪದವನು
ನೀ ತೂಗಿದ ತೊಟ್ಟಿಲನು
ಕೈತುತ್ತು ನೀಡಿದ ನಿನ್ನನು
ಮರೆಯಲಿ ಹೇಗೆ ಹೇಳಮ್ಮ||

ಮತ್ತೊಮ್ಮೆ ನಿನ್ನ ಮಡಿಲಲಿ
ಮಲಗುವಾಸೆ ಎದೆಯಲಿ
ಹಾಡಿ ತಟ್ಟುತ್ತಾ ಬಳಿಯಲಿ
ನೀನರಬೇಕು ನನ್ನ ಒಲವಮ್ಮ||

- ರವಿ ಶಿವರಾಯಗೊಳ