ಬದುಕಿಬಿಡು ಜೀವವೇ ನಿನ್ನಿಷ್ಟದಂತೆ
ಜಗದ ಅಂತೆಕಂತೆಗಳಿಗೆ ಕಿವಿಗೊಡದಂತೆ
ನಿನ್ನ ಆತ್ಮಸಾಕ್ಷಿಗೆ ಸರಿಯೆನಿಸುವಂತೆ
ನಿನ್ನ ಬದುಕು ಬಡವಾಗದಂತೆ
ನೀ ಅತ್ತಿದ್ದು ನೀ ಒಳಗೊಳಗೇ ಸತ್ತಿದ್ದು
ನಿನಗಷ್ಟೆ ತಿಳಿದಿದೆ
ಹೀಗೊಮ್ಮೆ ಬದುಕಿಬಿಡು
ಬಂಧನದ ಮಿತಿಯೇ ಇಲ್ಲದಂತೆ
ನಿನ್ನ ಖುಷಿಗಷ್ಟೇ ನೀ ಮಗಳಾಗುವಂತೆ
ಪದೇ ಪದೇ ನಿನ್ನ ಮೇಲೆ ನಿನಗೆ ಪ್ರೀತಿ ಎಕ್ಕುವಂತೆ
ನೀ ಹೇಗಿದ್ದರೂ ಕಷ್ಟವೆನ್ನುವ ಜನರ ನಡುವೆ
ಒಮ್ಮೊಮ್ಮೆ ಕಿವುಡನಾಗಿ ಇದ್ದುಬಿಡು.
ನೀ ಬದುಕುವ ರೀತಿ ಕಂಡು ಅವರೇ
ಮೂಕರಾಗಿ ಬಿಡಲಿ
ನೀ ಬದುಕಿಬಿಡು ನೈಜತೆಯ ಮಹಾರಾಣಿಯಂತೆ
ನೀ ಬದುಕಿಬಿಡು ನೈಜತೆಯ ಮಹಾರಾಣಿಯೆನ್ನುವಂತೆ
-ಸುಧಾರಾಣಿ ಟಿ.
ಸುಧಾರಾಣಿ ಟಿ
ಸುಧಾರಾಣಿ ಟಿ ಅವರು ಪೋಲಿಸ್ ಉಪ ನಿರೀಕ್ಷಕರು. ಉಡುಪಿ ಜಿಲ್ಲೆಯ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಸಾಹಿತ್ಯ ಕ್ಷೇತ್ರದಲ್ಲಿ ಅಭಿರುಚಿ ಹೊಂದಿರುವ ಅವರು ಕವಿತೆ ಹಾಗೂ ಬರವಣಿಗೆಯನ್ನು ತಮ್ಮ ಹವ್ಯಾಸವಾಗಿಸಿ ಕೊಂಡಿದ್ದಾರೆ.