ದೇವ್ರ ಅರಮನಿ

ತವಿಮ್ಯಾಲಿನ್ ಶೇಂಗಾ
ಚೊಲೊತಂಗ ಹುರಿಬೇಕಂದ್ರ
ಗಟ್ಟಿ ಮೊಸರ್ ನೀರಿನ ಜೊತಿ
ಸೇರಿ ಹದವಾಗಿ ಮಜ್ಜಿಗ್ಯಾಬೇಕಂದ್ರ
ಬೀಜ ಭೂಮ್ಯಾಗ ಮೊಳತ
ನೀರ್, ಬಿಸಿಲ ನುಂಗಿ
ಚೆಂದಂದ ಗಿಡ ಆಗಬೇಕಂದ್ರ
ಬ್ಯಾಸರಸದ ಕಾಯಬೇಕ

ಹಿರ್ಯಾರ ಹೇಳಿದ್ದ ಮಾತ
ಐತಿ ಸರಿ, ತಕರಾರಿಲ್ಲ
ಕೊಡತದ ಫಲ ಕಾಯೋದ,
ಅವಸರದ ಬೇಡಿಕಿ, ದೇವ್ರ
ಅರಮನ್ಯಾಗ ಕೇಳಿಸಲ್ಲ ಜಾಸ್ತಿ,
ಪಾಳೆ ಬಂದಾಗ ಸಿಗೋದ್
ಕಣ್ಣ ತಗದ ಕಣ್ಣಿಂದ ಆಶೀರ್ವಾದ

ಏ ಪ್ಯಾಲಿ ಖರೆ ಇರಲ್ಲ ಕಾಯೋದ
ಸಿಗತದಂತ ಸಿಹಿ, ಬೇಡಿದ್ದ
ಒಲ್ಯಾಂಗಿಲ್ಲ ಒಮ್ಮೆಮ್ಮಿ ಹೂ
ಇರಂಗಿಲ್ಲ ವರ್ಷದ ಹಿಂದ
ಹಚ್ಚಿದ ಗುಲಾಬಿ ಗಿಡಕ್ಕ,
ಹೊತ್ತಿದ ಶೇಂಗಾ, ಸ್ವಾದ ಇಲ್ಲದ್ದ
ನೀರ ಮಜಗಿ ಕಂಡೆನಿ
ಜಾಸ್ತಿ ಆತ ಕಾದದ್ದ ಅಂತ ಬಡ್ಡಿ
ಸಮೇತ ಸುಖ ಕೊಡೋದ
ದೇವ್ರ ಅರಮನ್ಯಾಗ ನಿಷಿದ್ಧ
ಒಮ್ಮೊಮ್ಮಿ...‌