ಕಾಯಕದ ಹಾದಿ

ದೇಹವೆಂಬ ಅಂಗ ದೇಶದೊಳು
ಇವೆ ನಾನಾ ಪಂಥಗಳು
ಪಚನ ಪ್ರಕೃತಿ ನಂಬಿದವನೊಬ್ಬ!
ಬುದ್ಧಿಯ ತೀಕ್ಷಣತೆಯ ಮೆಚ್ಚಿದವನೊಬ್ಬ!
ರುಧಿರ ರಕ್ತಾಕ್ಷಿಯ ಸ್ಮರಿಸುವನೊಬ್ಬ!
ಪವನ ಪ್ರಾಣದ ಪಾರಾಯಣದಿ ಅವನೊಬ್ಬ!
ಎಲ್ಲರದೂ ಕಾಯಕ ಹಾದಿ
ಒಳ ತಿರುಳ ತೊಳೆದಾಗ ಜೀವನ ಶುದ್ಧಿ!

ಇರದು ಶ್ರೇಷ್ಠತೆಯ ಭಾವ
ಸಮತೆ, ಸಹಕಾರ, ಸಮನ್ವತೆ ಮನೋಭಾವ
ಒಂದು ನಿಂತರೆ ಎಲ್ಲವೂ ವಿಕಾರ
ಆಕೃತಿ ಸೃಷ್ಟಿಸಿ ಕಳುಸಿದ ದೇವ
ಅರಿತು ಒಳಗ, ಬೆಳಗು ಜಗದ ಹೊರಗ.

ನಾನು ನಾನೆಂಬ ಮಂದಿ ಜಗದೊಳಗೆ
ಆರಿದೆ ಅರಿವ ಜ್ಯೋತಿ ಕಾಯದೊಳಗೆ
ಕಾಯಕದೊಳು ಯಾವುದು ಮಿಗಿಲು?
ನುಡಿವುದು ಬುದ್ಧಿ
"ದೇವನ ಇರುವಿಕೆ ಕಾಣು
ಬಿಸಿಲಿನ ತಾಪಕೆ ಸುರಿವ ಬೆವರಿನೊಳು".

- ನಿರಂಜನ ಕೇಶವ ನಾಯಕ