ಮನದ ತುಡಿತ 

ಬಳಲಿದೆ ಮನವು ಕದಲಿತು‌ ನಗುವು
ಬರುವುದೇ ನಲಿವು ಮರಳಿ?
ಕಳೆದಿದೆ ಸುಖವು ದುಃಖದ ಗೂಡಲಿ
ಸಿಗುವುದೇ ನೆಮ್ಮದಿ ಹೊರಳಿ?

ಯಾರ ಹೊಂಚಿಗೆ ಯಾವ ಸಂಚಿಗೆ
ನಲುಗಿದೆ ಹೃದಯ ತಿರುಗಿ?
ಗಾಳಿಯು ಏಕೆ ನುಸುಳಿತೋ ಒಳಗೆ
ನಡುಗಿದೆ ಹಣತೆ ಮರುಗಿ ?

ದೂರದ ಹಾದಿ ಕಾಣದೆ ಹೋದರೂ
ನಡೆಯುತಲಿಹುದು ಕಾಲು.
ಮುಸುಕಿದ ಮೋಡ ಸರಿದರೆ ಚೂರು
ಬೆಳಕಿಗೂ ಒಂದು ಬಯಲು.

ಯಾವುದು ಚೆಂದ ಯಾವುದು ಅಂದ
ಬಾಳಿನ ಬಣ್ಣ ಮಾಸಿರಲು.?
ಕಣ್ಣಲೇ ಜನಸಿದ ಕನಸಿನ ದೋಣಿಯು
ಸೇರುವ ಮುನ್ನ ಮುಳಗಿರಲು.‌

ರವಿ ಶಿವರಾಯಗೊಳ