ಪ್ರೇಮ ಸಿಂಚನ

ಪಿಡಿದ ಕರಗಳು ಹೇಳ ಬಯಸಿದ
ಹಿಡಿತ ಬಿಡದಿರು ಗೆಳೆಯನೆ
ನಡುವೆ ಅಂತರ ಬೇಡದಿರಲದು
ನಡೆವೆ ಸನಿಹಕೆ ಹೃದಯವೆ

ನೆಟ್ಟ ನೋಟದಿ ಎಲ್ಲ ಅರಿತೆನು
ಕೊಟ್ಟು ಪಡೆಯುವ ಭಾಷೆಯ
ಮಧುರ ಭಾವಕೆ ಸೋತು ನಿಂತಿಹೆ
ಅಧರ ಕಂಪನವರಿಯದೆ

ಹಳೆಯ ನೆನಪಿನ ಗುಂಗಿನೊಡನೆಯೆ
ಬೆಳೆದು ನಿಂತಿದೆ ಗೆಳೆತನ
ಬಾಳಿನುದ್ದಕು ಪ್ರೀತಿ ಜೀಕುತ
ಗೋಳು ಮರೆಸುವ ಸಿರಿತನ

ಹಸಿರಿನಂಗಳ ಕೂಗಿ ಕರೆದಿದೆ
ಉಸಿರು ತುಂಬುವ ಒಲವಿಗೆ
ನಾನು ನೀನೂ ಜೊತೆಯಲಿರಲದು
ಬಾನು ಇರುವುದು ಸಾಕ್ಷಿಗೆ

ನೂರು ಬಯಕೆಯ ಹೇಳುವಾತುರ
ತೂರಿ ಕಂಗಳ ಒನಪಲಿ
ಅರಿವೆ ನಿನ್ನಯ ಎದೆಯ ಭಾಷೆಯ
ಬೆರೆತು ಬಯಸಿದ ರೀತಿಲಿ

-ಭಾರತಿ ಕೊಲ್ಲರಮಜಲು