Articles

ಎಂ.ವ್ಯಾಸರ ಕಥಾ ಅಸ್ತ್ರಗಳು

ಸೆಲೆಬ್ರಿಟಿಗಳ ಆಕರ್ಷಣೆ, ಕೌತುಕ, ಒಂದಾಗುವ ತುಡಿತ ಬರಹಗಾರ ಮತ್ತು ಅಭಿಮಾನಿ ನಡುವಿನ ಸಂಬಂಧದಲ್ಲಿ ಅವರ ಪ್ರವರ ಬಿಚ್ಚಿ ಕೊಳ್ಳುವ ಕತೆ 'ಕುಜ'. ಋಗ್ಣ ಶಯ್ಯದಲ್ಲಿರುವ ವ್ಯಕ್ತಿಯು ದೈವಿ ಸುಖವೆಂಬ ಭ್ರಮೆಯಲ್ಲಿ ಆಲಿಂಗನಕ್ಕೆದುರಾಗುವುದು, ಬೆತ್ತಲೆಯಿಂದ ಭ್ರಮೆ ಕಳೆದು ಕೊಳ್ಳ ಬೇಕೆಂಬ ಬಿಡುಗಡೆ ಭಾವ....,

ಭಾವಾಂದೋಲನದ ಪ್ರತೀಕವೇ 'ತಪ್ತ'

ವ್ಯಾಸರ ಕತೆಗಳಲ್ಲಿ ಬರುವ ಸಾವುಗಳು ಹಲವಾರು ಅರ್ಥದಲ್ಲಿ ಬದುಕುವ ಛಲವನ್ನು ಪ್ರತಿನಿಧಿಸುತ್ತವೆ . ಯಾರನ್ನೂ ಬಿಡದ, ಸದಾ ಕಾಡುವ ವಿಷಾದದಿಂದ ಪಾರಾಗುವ ತಂತ್ರವನ್ನು ವಿಷಾದದಿಂದಲೇ ಬಗೆದು ತೋರಲು ವ್ಯಾಸರು ಸದಾ ತಮ್ಮ ಕಥಾ ಕೃಷಿಯಲ್ಲಿ ತಪೋನಿರತರಾಗಿರುತ್ತಾರೆ ಎಂದು ಕರ್ನಾಟಕ ಸಂಘದ ಅಧ್ಯಕ್ಷ ಬಿ.ಪುರಂದರ ಭಟ್ ಪ್ರಕಾಶಿಸುವ ನಿಮಿತ್ತ ಋಣಿಯಾಗಿದ್ದಾರೆ. ಲಕ್ಷ್ಮೀಶ ತೋಳ್ಪಾಡಿಯವರ ಕೆಲವು ಟಿಪ್ಪಣಿಗಳು ಮುನ್ನುಡಿಯಾಗಿವೆ. ಡಾ.ವರದರಾಜ ಚಂದ್ರಗಿರಿ ' ತಪ್ತ ' ಸಂಕಲನದ ಬಗ್ಗೆ ಎರಡು ಮಾತು ನಿವೇದಿಸಿಕೊಂಡಿದ್ದಾರೆ.

ಮುಕ್ತಗೊಂಡ 'ಸ್ನಾನ' 

'ಸ್ನಾನ' ಮೈಲಿಗೆಯ ಸಂಕೇತವೆನಿಸಿದರೂ ಆಧ್ಯಾತ್ಮಿಕ ಸೂಕ್ಷ್ಮತೆಯನ್ನು ಗುರುತಿಸಬಹುದಾದ ಕಥಾ ಹಂದರ...! ಕುಂಡಲಿನಿ ಯೋಗದ ಸಾರವನ್ನು ಸತ್ಯನ ಪಾತ್ರದಲ್ಲಿ ಸಾಕ್ಷಾತ್ಕರಿಸಿದ್ದಾರೆ. ಮಠದ ಸ್ವಾಮಿಗಳಾದವರ ಆಂತರಿಕ ತುಮುಲ ತಲ್ಲಣಗಳ ಚಿಕಿತ್ಸಾತ್ಮಕ ವಿವರಣೆಗಳು ಕುತೂಹಲಕಾರಿಯಾಗಿವೆ