Articles

ಸಂಗೀತ ಲೋಕಕ್ಕೆ ಕರೆದೊಯ್ಯುವ ಅದ್ಭುತ ಕೃತಿ `ಏನು ಜನ! ಎಂಥ ಗಾನ!

ಏನು ಜನ! ಎಂಥ ಗಾನ! ಸಂಗೀತ ಲೋಕಕ್ಕೆ ಕರೆದೊಯ್ಯುವ ಅದ್ಭುತ ಕೃತಿ. ಪ್ರಾರಂಭದಲ್ಲಿ ಇವರು ಬರೆದ “ಹೇ ಸ್ವರಧಮಲ ಧಾರವಾಡ” ಧಾರವಾಡ ಜಿಲ್ಲೆಯವಳಾದ ನನಗೆ ತುಂಬಾ ಅಪ್ಯಾಯಮಾನವಾಗಿ ಕಂಡಿತು. ಮೊದಲೇ ಧಾರವಾಡದ ಬಗ್ಗೆ ಅತೀವ ಪ್ರೀತಿ, ಅಭಿಮಾನವಿರುವ ನನಗೆ ಈ ಕೃತಿ ಓದಿದ ಮೇಲೆ ಮತ್ತಷ್ಟು ಅಭಿಮಾನ ,ಹೆಮ್ಮೆ ಮೂಡಿತು. ಕಾರಣ ಗಜೇಂದ್ರಗಡಕರರವರು ಧಾರವಾಡದ ಪ್ರತಿಭಾವಂತ, ಜಗತ್ಪ್ರಸಿದ್ಧ ಸಂಗೀತಗಾರರಾದ ಭೀಮಸೇನ ಜೋಸಿ, ಗಂಗೂಬಾಯಿ ಹಾನಗಲ್, ಬಸವರಾಜ ರಾಜಗೂರು ಮಲ್ಲಿಕಾರ್ಜುನ ಮನ್ಸೂರ್, ಅಲ್ಲದೆ ವರಕವಿ, ಚಿಂತಕ, ದ.ರಾ.ಬೇಂದ್ರೆಯವರ ಬಗ್ಗೆ ನಮಗೆ ಗೊತ್ತಿಲ್ಲದ ಅಪರೂಪದ ಘಟನೆಗಳ ಜೋತೆಗೆ ವ್ಯಕ್ತಿ ಶ್ರೇಷ್ಟತೆ, ಗುಣ ವಿಶೇಷತೆಗಳನ್ನು ಬರೆದಿರುವುದನ್ನು ಈ ಕೃತಿಯಲ್ಲಿ ಕಾಣುತ್ತೇವೆ. ಅಲ್ಲದೆ ಈ ಎಲ್ಲ ಪ್ರಸಿದ್ಧ ಗಾಯಕರು ಹಾಡುವ ರಾಗಗಳ ಬಗ್ಗೆ ಜೀವನ ಶೈಲಿ ಬಗ್ಗೆ ಮನೋಜ್ಞವಾಗಿ ಬರೆದಿದ್ದಾರೆ.