ಡಾ. ಎಸ್. ನರೇಂದ್ರಕುಮಾರ ಅವರು ಚಾಮನಗರ ಜಿಲ್ಲೆಯ ಯಳಂದೂರು ತಾಲೂಕಿನ ಮಲ್ಲಿಗಹಳ್ಳಿ (ಜನನ: 22-12-1973) ಗ್ರಾಮದವರು ತಂದೆ ಶ್ರೀನಿವಾಸಮೂರ್ತಿ, ತಾಯಿ ಮಾಲತಿ. ಪ್ರಸ್ತುತ ಇವರು ಮೈಸೂರಿನ ಮಾನಸ ಗಂಗೋತ್ರಿಯಲ್ಲಿ ಸಹಾಯಕ ಪ್ರಾಧ್ಯಾಪಕರು ಹಾಗೂ ಡಾ.ಬಿ.ಆರ್.ಅಂಬೇಡ್ಕರ್ ಸಂಶೋಧನ ಹಾಗೂ ವಿಸ್ತರಣ ಕೇಂದ್ರ ಸಂಯೋಜನಾಧಿಕಾರಿಯಾಗಿದ್ದಾರೆ. "ದೇವನೂರು, ನಾಗವಾರ, ಕುಂವೀ ಅವರ ಕಥೆಗಳು ಒಂದು ಅಧ್ಯಯನ" ಇವರ ಪಿಎಚ್.ಡಿ ಪ್ರಬಂಧ.
ಕೃತಿಗಳು: ಹೊಸ ಸಮಾಜ ಮತ್ತು ಅಂಬೇಡ್ಕರ್ ( ಅಂಬೇಡ್ಕರ್ ಚಿಂತನೆಗಳ ವಿಮರ್ಶಾ ಲೇಖನಗಳು), ನಿಜದ ನೆಲೆ (ಸಾಹಿತ್ಯ ಮತ್ತು ಸಂಸ್ಕೃತಿ ಕುರಿತ ಲೇಖನಗಳು), ಬೋಧಿನೆಲದ ಮಾತು (ಸಾಹಿತ್ಯ, ವೈಚಾರಿಕ, ಸಾಂಸ್ಕೃತಿಕ, ಸಮಕಾಲೀನ ವಿಚಾರಗಳ ಲೇಖನಗಳು), ದಸಂಸ ಹೋರಾಟದ ಪಯಣ ( ಮೈಸೂರು ಜಿಲ್ಲೆಯ ದಸಂಸ ನಡೆಸಿದ ಹೋರಾಟದ ಹೆಜ್ಜೆ ಗುರುತುಗಳು), ಮೂರುಬೊಗಸೆ ನೀರು (ಅಂಬೇಡ್ಕರ್ ಪ್ರಜ್ಞೆಯಲ್ಲಿ ದೇವನೂರು ಮಹಾದೇವ, ಕಾಳೇಗೌಡ ನಾಗವಾರ ಹಾಗೂ ಕುಂ.ವೀರಭದ್ರಪ್ಪ ಅವರ ಕಥೆಗಳ ಅಧ್ಯಯನ)
ಸಂಪಾದಿತ ಕೃತಿಗಳು: ಅಂಬೇಡ್ಕರ್ ಅಂತರಂಗ ೨೦೦೨ (ಅಂಬೇಡ್ಕರ್ ಅವರ ಹಾಗೂ ಅಂಬೇಡ್ಕರ್ ಬಗೆಗೆ ಬಂದಿರುವ ಲೇಖನಗಳ ಸಂಗ್ರಹ), ಅಂಬೇಡ್ಕರ್ ಸೂಕ್ತಿಗಳು ( ಅಂಬೇಡ್ಕರ್ ಚಿಂತನೆಗಳ ಸಂಕ್ಷಿಪ್ರ ಸಂಗ್ರಹ), ಬತ್ತಲಾರದ ಬದುಕು ( ಕೊರಚ ಸಮುದಾಯದ ಸಂಸ್ಕೃತಿಯನ್ನು ಪ್ರತಿಬಿಂಬಿಸುವ ಛಾಯಚಿತ್ರಗಳ ಸಂಗ್ರಹ), ಮರಳಿ ಮನೆಗೆ ೨೦೦೬ (ಬುದ್ಧನ ಬಗೆಗೆ ಬಂದಿರುವ ಲೇಖನಗಳು ಕವನಗಳು ಹಾಗೂ ಬೌದ್ಧ ಭಿಕ್ಕುಗಳು ಮತ್ತು ಉಪಾಸಕರನ್ನು ಸಂದರ್ಶಿಸಿದ ಬರಹಗಳ ಸಂಗ್ರಹ),
ಸಹ ಸಂಪಾದಿತ ಕೃತಿಗಳು: ನೋವು ಹೆತ್ತ ಪ್ರೀತಿ ( ಅರವಿಂದ ಮಾಲಗತ್ತಿ ಅವರ ಆತ್ಮಕಥೆ 'ಗೌರ್ಮೆಂಟ್ ಬ್ರಾಹ್ಮಣ' ಕುರಿತ ಬರಹಗಳ ಸಂಗ್ರಹ), ಅಭಿಮುಖಿ (ಅಂಬೇಡ್ಕರ್ ಅವರ ತತ್ವ್ತ ಹಾಗೂ ಚಿಂತನೆಗಳನ್ನು ಅಂತರ್ಗತವಾಗಿಸಿಕೊಂಡ ಲೇಖನಗಳ ಸಂಗ್ರಹ), ಅರಿವಿನ ಕುರುಹು (2001-02೨ನೇ ಸಾಲಿನಲ್ಲಿ ಕುವೆಂಪು ಕನ್ನಡ ಅಧ್ಯಯನ ಸಂಸ್ಥೆಯಲ್ಲಿ ಸಂಶೋಧನಾ ವಿದ್ಯಾರ್ಥಿಗಳು ಮಂಡಿಸಿದ ಪ್ರಬಂಧಗಳ ಸಂಕಲನ) ಬಹುಶ್ರುತತೆ (ಡಾ.ಬಿ.ಆರ್.ಅಂಬೇಡ್ಕರ್ ಸಂಶೋಧನ ಕೇಂದ್ರದಲ್ಲಿ ನಡೆದ ಕಾರ್ಯಕ್ರಮಗಳಲ್ಲಿ ಮಂಡಿಸಲಾದ ಪ್ರಬಂಧಗಳು ಹಾಗೂ ವಿಶೇಷ ಉಪನ್ಯಾಸಗಳ ಸಂಗ್ರಹ), ಸಮಾನತೆಯ ಕನಸನ್ನು ಮತ್ತೆ ಕಾಣುತ್ತಾ ( ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ ಪ್ರಯುಕ್ತ ಪ್ರಜಾವಾಣಿ ಪ್ರಕಟಿಸಿದ ದಲಿತಪ್ರಜ್ಞೆಯ ವಿಶೇಷ ಲೇಖನಗಳ ಸಂಗ್ರಹ)
ಕಿರು ರೂಪಕ ಬುದ್ಧನ ಪ್ರೇಮಯಾತ್ರೆ, ಜೀವನ ಚರಿತ್ರೆ: ಮಹಾಚೇತನ (ಡಾ.ಬಿ.ಆರ್.ಅಂಬೇಡ್ಕರ್ ಕುರಿತದ್ದು) , ನವಸಾಕ್ಷರರಿಗಾಗಿ ಬರೆದ ಬರಹಗಳು , ಯಾರಿಗೂ ಯಾರಿಲ್ಲ (ಕಿರುಕಥೆ), ವಿಚಾರವಾದಿ ಡಾ.ಕೋವೂರ್ (ವ್ಯಕ್ತಿಚಿತ್ರ) , ಗೌತಮಬುದ್ಧ ಹೇಳಿದ ಕಥೆಗಳು
ಪ್ರಶಸ್ತಿ-ಗೌರವ: ಬೋಧಿ ನೆಲದ ಮಾತು' ಕೃತಿಗೆ ದಲಿತ ಸಾಹಿತ್ಯ ಪರಿಷತ್ ರಾಜ್ಯ ಘಟಕ ಗದಗ ಇವರಿಂದ 2009ನೇ ಸಾಲಿನ ದಲಿತ ಸಾಹಿತ್ಯ ಸಂಕೀರ್ಣ ಪ್ರಕಾರದಲ್ಲಿ ಪುಸ್ತಕ ಪ್ರಶಸ್ತಿ, .ಚಾಮರಾಜ ನಗರ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಇವರ ಸಮಗ್ರ ಸಾಹಿತ್ಯ ಸೇವೆಗಾಗಿ ಅಭಿನಂದನೆ,
