ಸುಜಿತ್ ಸೊಂಡೂರು ಅವರು ಧಾರವಾಡದವರು. (ಜನನ: 20-05-1968) ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದಿಂದ ಬಿಎಸ್ ಸಿ ಹಾಗೂ ಸಂಯುಕ್ತ ರಾಷ್ಟ್ರಗಳ ಗ್ರೀನ್ ವಿಚ್ ವಿಶ್ವವಿದ್ಯಾಲಯದಿಂದ ಕೃಷಿಯಲ್ಲಿ ಎಂಎಸ್ ಸಿ ಪದವೀಧರರು. ಇಂದಿರಾಗಾಂಧಿ ರಾಷ್ಟ್ರೀಯ ಮುಕ್ತ ವಿ.ವಿ.ಯಿಂದ ಎಂಬಿಎ, ಬೆಂಗಳೂರಿನ ಇಫೋ ಸ್ಕೂಲ್ ನಿಂದ ಅಪ್ಲಿಕೇಶನ್ ಡೆವೆಲಪ್ ಮೆಂಟ್ ನಲ್ಲಿ ಸ್ನಾತಕೋತ್ತರ ಡಿಪ್ಲೊಮಾ ಪದವೀಧರರು.

ಕಥೆ, ಕವನ ಸೇರಿದಂತೆ ಸಾಹಿತ್ಯಾಸಕ್ತಿ ಇದ್ದು, ಇವರ ಲೇಖನಗಳು ನಾಡಿನ ಪ್ರಮುಖ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ. ಧಾರವಾಡ ಆಕಾಶವಾಣಿಯಲ್ಲಿ ಕೃಷಿ ಹಾಗೂ ಸಾಹಿತ್ಯಕ್ಕೆ ಸಂಬಂಧಿಸಿ ಹಲವಾರು ಭಾಷಣಗಳನ್ನು ನೀಡಿದ್ದಾರೆ.