ವಚನಸಿರಿ

ಆಧುನಿಕ ವಚನಗಳ ಸಂಕಲನ ‘ವಚನಸಿರಿ’. ರಮೇಶಬಾಬು ಯಾಳಗಿ ಅವರ ಈ ಕೃತಿಗೆ ಅಥಣಿಯ ಮೋಟಗಿ ಮಠದ ಪೂಜ್ಯಶ್ರೀ ಪ್ರಭು ಚನ್ನಬಸವ ಸ್ವಾಮೀಜಿ ಅವರ ಮುನ್ನುಡಿ ಬರಹವಿದೆ. ಕೃತಿಯ ಕುರಿತು ಬರೆಯುತ್ತಾ ಶರಣಬಂಧು ರಮೇಶಬಾಬು ಯಾಳಗಿ ಅವರು ಸಮಾಜಮುಖಿ ಚಿಂತಕರಾಗಿ, ವಚನಕಾರರಾಗಿ, ನುರಿತ ಮಾತುಗಾರರಾಗಿ, ಕ್ರಿಯಾಶೀಲರಾಗಿ ಹೆಸರುವಾಸಿಯಾಗಿದ್ದಾರೆ. ಶ್ರೀಯುತರ ವಚನಗಳು ಹೃದ್ಯವಾಗಿವೆ. ಸಮಾಜದ ಅನೇಕ ಅಂಕುಡೊಂಕುಗಳಿಗೆ ಉತ್ತರವಾಗಿವೆ. ಶರಣರೇ ಅವರ ಕಣ್ಮುಂದಿನ ಬೆಳಕು. ನಾಡು ನುಡಿ ಸಂಸ್ಕೃತಿ ಸಂವರ್ಧಕರೇ ಅವರ ಬದುಕಿನ ಪರಮ ಆದರ್ಶ. ವ್ಯಕ್ತಿ ತಾನು ಬೆಳೆಯುವುದರೊಂದಿಗೆ ಸಮಾಜವನ್ನೂ ಕರೆದುಕೊಂಡು ಹೋಗಬೇಕು ಎನ್ನುವುದಕ್ಕೆ ಒಂದು ಸಾಂಸ್ಕೃತಿಕ ಪ್ರಜ್ಞೆಯ ಶಕ್ತಿಯಾಗಿ ನಮ್ಮ ಕಣ್ಮುಂದೆ ಯಾಳಗಿಯವರು ಇದ್ದಾರೆ ಎಂದಿದ್ದಾರೆ ಚನ್ನಬಸವ ಸ್ವಾಮೀಜಿ.