ಕ್ಲಿಕ್

ಕ್ಯಾಮರಾ ಕ್ಲಿಕ್ಕಿಸುವುದೂ ಸಹ ಲೇಖಕ ಡಿ.ಜಿ. ಮಲ್ಲಿಕಾರ್ಜುನ ಅವರ ಹವ್ಯಾಸ. ಬೆಳಕು ಬಿಂಬಕ್ಕೆ ಕ್ಯಾಮೆರಾ ಹಿಡಿದು ಬಿಂಬ ಗ್ರಹಣ ಮಾಡುವುದರ ಜೊತೆಗೆ ಅದರಲ್ಲಿ ನೋಟವನ್ನು ಅರಳಿಸಿದ್ದಾರೆ. ಈ ಕಲೆಯ ವಿವರವೇ ಈ ಕೃತಿ-ಕ್ಲಿಕ್.

ಚಿತ್ರಕ್ಕೆ ಬರಹ ಕೊಡುವ ಕನ್ನಡದ "ಫೋಟೋ ಸಾಹಿತಿ"ಗಳ ಮುಂದುವರೆದ ಕೊಂಡಿಯಾಗಿರುವ ಲೇಖಕರು, ಚಿತ್ರಗಳಲ್ಲಿ ಕೆಲವಕ್ಕೆ ವಿವರಣೆ, ಹಲವಕ್ಕೆ ಮಾಹಿತಿ, ಮತ್ತಿಷ್ಟಕ್ಕೆ ಭಾವನುಡಿ, ಮಗದಷ್ಟಕ್ಕೆ ನೆನಪಿನ ನುಡಿ ತಂದಿದ್ದಾರೆ. ಅವು ಸರಳ, ಲವಲವಿಕೆಯಿಂದ ಕೂಡಿವೆ. ಮಕ್ಕಳೂ, ಹಿರಿಯರೂ ಆಸಕ್ತಿಯಿಂದ ಓದಬಹುದು, ಅರಿಯಬಹುದು, ಇನ್ನೊಬ್ಬರಿಗೆ ಹೇಳಬಹುದಾದಷ್ಟು ಕುತೂಹಲಕರ ಹಾಗೂ ಆಸಕ್ತಿ ಪ್ರೇರಕವಾಗಿವೆ. 

ಈ ಪುಸ್ತಕದಲ್ಲಿ ಯಾವುದೂ ಅಮುಖ್ಯವಲ್ಲ. ಆದರೂ ತೇಜಸ್ವಿ ಅವರನ್ನು ಕುರಿತ ವ್ಯಕ್ತಿಚಿತ್ರ ಭಾಗದಲ್ಲಿ ಅಪರೂಪದ ಚಿತ್ರಗಳನ್ನು ಮಲ್ಲಿಕಾರ್ಜುನ ತೆಗೆದುಕೊಟ್ಟಿದ್ದಾರೆ.