ಮಿದುಳಿಗೆ ಸವಾಲು ಹಾಕುವ ಪದಬಂಧಗಳು ಎಂಬ ಉಪಶೀರ್ಷಿಕೆಯೊಂದಿಗೆ ಲೇಖಕ ಅ.ನಾ. ಪ್ರಹ್ಲಾದ ರಾವ್ ಅವರು ರಚಿಸಿದ ಕೃತಿ-ಪದಲೋಕ.. ಪದಬಂಧಗಳು ಬೌದ್ಧಿಕ ಚಟುವಟಿಕೆಯನ್ನು ಪ್ರೇರೇಪಿಸುತ್ತವೆ. ಪದ ಸಂಪತ್ತನ್ನು ಹೆಚ್ಚಿಸುತ್ತದೆ. ತಾರ್ಕಿಕ ಸಾಮರ್ಥ್ಯವನ್ನು ಚುರುಕುಗೊಳಿಸುತ್ತದೆ. ವ್ಯಕ್ತಿಯ ಸೃಜನಶೀಲತೆಗೆ ಒಂದು ಮಾಧ್ಯಮವಾಗಿಯೂ ಕೆಲಸ ಮಾಡುತ್ತದೆ. ನೀಡಿರುವ ಸೀಮಿತ ಪದಗಳನ್ನು ಬಳಸಿ, ಬಿಟ್ಟು ಹೋದ ಪದಗಳನ್ನು ಭರ್ತಿ ಮಾಡುವ ಮೂಲಕ ಅರ್ಥವನ್ನು ಸ್ಫುರಿಸಿ, ಒಂದು ಪೂರ್ಣಶಬ್ದವಾಗುವಂತೆ ಮಾಡುವುದು ಎಲ್ಲರಿಗೂ ಸಾಧ್ಯವಾಗದು. ಕೆಲವರಿಗೆ ಬೇಗನೆ ಹೊಳೆದರೆ ಮತ್ತೂ ಕೆಲವರಿಗೆ ತಡವಾಗಿ ಹೊಳೆಯುತ್ತದೆ. ಹೀಗೆ ಆಸಕ್ತರ ಮಿದುಳಿಗೆ ಉತ್ತಮ ಕಸರತ್ತು ನೀಡುವ ಪದಬಂಧಗಳನ್ನು ವೈವಿಧ್ಯಮಯವಾಗಿ ರಚಿಸುವ ಜಾಣ್ಮೆ-ಕೌಶಲವನ್ನು ಲೇಖಕರು ತೋರಿದ್ದು, ಈ ಕೃತಿಯು ವಿಶ್ವ ಪದಬಂಧ ಶತಮಾನೋತ್ಸವ ಸಂಭ್ರಮದ ಅಂಗವಾಗಿ (1913-2013) ಪ್ರಕಟಗೊಂಡಿದೆ.
ಅ.ನಾ.ಪ್ರಹ್ಲಾದರಾವ್‌ರವರು, ಕನ್ನಡದ ಪದಬಂಧ ಲೇಖಕರಲ್ಲಿ ಪ್ರಮುಖರು. ಇವರು ಕನ್ನಡದಲ್ಲಿ ಸುಮಾರು ನಲವತ್ತು ಸಾವಿರ ಪದಬಂಧಗಳನ್ನು ರಚಿಸಿದ್ದಾರೆ. ಇವರ ಪದಬಂಧಗಳು ಕನ್ನಡದ ಪ್ರಮುಖ ಪ್ರತ್ರಿಕೆಗಳಲ್ಲಿ, ನಿಯತಕಾಲಿಕೆಗಳಲ್ಲಿ ಪ್ರಕಟಗೊಂಡಿವೆ.ಭಾರತದ ಪ್ರಾದೇಶಿಕ ಭಾಷೆಗಳಲ್ಲಿಯೇ ಅತೀ ಹೆಚ್ಚು ಪದಬಂಧ ರಚಿಸುವ ಮೂಲಕ 2015, 2016 ಹಾಗೂ 2017ರ ಲಿಮ್ಕಾ ದಾಖಲೆ ಪುಸ್ತಕದಲ್ಲಿ ಸೇರಿಕೊಳ್ಳುವ ಮೂಲಕ ರಾಷ್ಟ್ರೀಯ ದಾಖಲೆ ಮಾಡಿದ ಕೀರ್ತಿ ಇವರದು. ಬೆಂಗಳೂರು, ಮಂಡ್ಯ ಹಾಗೂ ಕೋಲಾರದಲ್ಲಿ ಹಲವಾರು ಸಂಘ ಸಂಸ್ಥೆಗಳು ಸನ್ಮಾನಿಸಿ ,ಪ್ರಜಾರತ್ನ, ಪದಬಂಧಬ್ರಹ್ಮ, ಪದಬಂಧಸಾಮ್ರಾಟ್, ಮುಂತಾದ ಬಿರುದುಗಳನ್ನು ನೀಡಿವೆ. ...
READ MORE
Concept & Creation 
©2024 Book Brahma Private Limited.
