ಸೀಮಾತೀತ ಸಸ್ಯ ಜಗತ್ತು

ಲೇಖಕಿ ಎನ್.ಎಸ್. ಲೀಲಾ ಅವರ ಕೃತಿ ʻಸೀಮಾತೀತ ಸಸ್ಯ ಜಗತ್ತುʼ. ಲಕ್ಷಾಂತರ ಸಸ್ಯ ವೈವಿಧ್ಯಗಳನ್ನು ಸೃಷ್ಟಿಸಿ ನಾನಾ ವಿಧದ ಜೀವಿಗಳಿಗೆ ತಾಣವಾದ ಪ್ರಕೃತಿ ಹಾಗೂ ಸಸ್ಯಸಂಕುಲಗಳ ಜಗತ್ತಿನ ಬಗೆಗಿನ ಕುತೂಹಲ ವಿಚಾರಗಳನ್ನು ಪ್ರಸ್ತುತ ಪುಸ್ತಕ ಚರ್ಚಿಸುತ್ತದೆ. ಸಸ್ಯ ಸಂಪತ್ತನ್ನೇ ನಮ್ಮ ಆಹಾರ-ವ್ಯವಹಾರಗಳಾಗಿ ಮಾಡಿ, ಹಸಿರೇ ಉಸಿರು ಎಂದು ಬದುಕುತ್ತಿರುವ ನಾವು ಪ್ರಕೃತಿಯ ಬಗ್ಗೆ ತಿಳಿಯಬೇಕಾದ, ಚಿಂತಸ ಬೇಕಾದ ಹಲವಾರು ನಿಗೂಢ ಮಾಹಿತಿಗಳನ್ನು ಇಲ್ಲಿ ಲೇಖಕರು ಕಟ್ಟಿಕೊಟ್ಟಿದ್ದಾರೆ. ಪುಸ್ತಕದ ಪರಿವಿಡಿಯಲ್ಲಿ; ವೊಲ್ಲೇಮಿ ಪೈನ್:‌ ಸಸ್ಯ ಜಗತ್ತಿನ ಜೀವಂತ ಡೈನೋಸಾರ್‌, ಅತ್ತಿ-ಅರಳಿ-ಆಲದಿಂದ ಅಂಜೂರದವರೆಗೆ, ದೈತ್ಯ ಪುಷ್ಪ: ಬುಂಗ ಪದ್ಮ, ಚಿತ್ತಾಕರ್ಷಕ ಟ್ಯುಲಿಪ್‌ಗಳು, ಅಣಬೆಯ ನಾಡಿನಲ್ಲಿ ಏನೆಲ್ಲ ಬೆಡಗು-ವಿನ್ನಾಣ, ಕಲ್ಲರಳಿ ಹೂವಾಯ್ತು: ಲೈಕನ್‌ ಹೇಳಿದ ಕತೆ, ಮಾಂಸಾಹಾರಿ ಸಸ್ಯಗಳು, ಕುಂಚಬ್ರಹ್ಮನ ಪರಿಯೆಷ್ಟು?, ತಳಿ-ತಂತ್ರಜ್ಞಾನ: ಕಲ್ಲಂಗಡಿಗಾದ ಕಾಯಕಲ್ಪ, ತನು-ಮನ ತಣಿಸುವ ಜಂಬೀರ ಫಲಗಳು ಸೇರಿ 24 ಶೀರ್ಷಿಕೆಗಳ ಲೇಖನಗಳಿವೆ.