ಅವಳು

ಅವಳೆಂದರೆ 
ಸುರಿವ ಮಳೆಯೊಳು ನಿಂತು
ಅದರೊಳು ಕಂಬನಿಗಳ ಬೆರಿಸಿ
ನೋವ ನುಂಗುವ ಗಟ್ಟಿಗಿತ್ತೆ

ಬಲು ತೂಕದ ಮಾತುಗಳಿಗೆ
ಮೌನವನ್ನು ಸಮನಾಗಿ ತೂಗಿ
ಮಾತುಗಳ ಶೂನ್ಯದಲಿ ಮೂಖವಾಗುವಳು

ಬಳಲಿದ ಉಸಿರ ಹೊರಗೆಡವದೆ
ಒಳಗೊಳಗೆ ತಡೆದು 
ಎದೆಯ ದಹಿಸಿಕೊಳ್ಳುತ್ತ
ಅದರ ಪ್ರಕರ ಬೆಳಕಿನ ಸವಿಯನು
ಮತ್ತಾರಿಗೊ ನೀಡುವಳು

ಹಬ್ಬ ಹರಿದಿನ ಉತ್ಸವ ಜಾತ್ರೆಯ
ಸಡಗರದ ರಜೆಯಿಲ್ಲದೆ
ತುರ್ತು ಸೇವೆಯ ಇಲಾಖೆಯ
ಮುಖ್ಯಸ್ಥೆಯಂತೆ ಸಂಬಂಳ ರಹಿತವಾಗಿ
ದುಡಿವ ಕಾರ್ಮಿಕಳು

ಆಸೆ ಬಯಕೆಯ ಭಾವನೆಗಳನ್ನು
ಯಾವುದೊ ತಡಿಕೆಗಳ ನಡುವೆ
ಕುರಿ ಮಂದೆಯ ಹಾಗೆ ಕೂಡಿ ಹಾಕಿ
ಸಿಕ್ಕಿದ್ದಷ್ಪು ಸಂತಸವ ತಬ್ಬುವ ಮಹಾತೃಪ್ತಿ....