ಗದ್ದೆಮಣ್ಣು

ಗದ್ದೆಮಣ್ಣು

ನೋಟವೀಗ ಪ್ರೇಮವಾಗಿದೆ
ತವಕವೇದನೆಯ 
ಕುದಿಬಿಂದುವೊಂದು
ನಿನ್ನೆಡೆ ಪ್ರವಹಿಸುತ ಪ್ರಣಯಿಸುತ ಬಂದು ನೋಟವಾಗಿದೆ
ಕಣ್ಣುಗಳೆರಡರ 
ಜೀವಗಳೆರಡರ 
ಭಾವಹೊಂದೀಗ ಪ್ರೇಮವಾಗಿದೆ.

ರೂಪಕಗಳಿಗೆ ಸೀಗದ
ನಿನ್ನ ರೂಪವ
ವರ್ಣಿಸಲು ಹೋಗಿ 
ಕವಿರೋಸಿ
ಪ್ರೇಮ ಪ್ರಾಬಲ್ಯಕೆ
ತನ್ನ ದೌರ್ಬಲ್ಯಕೆ
ಮಧುರಭಾವಗಳಲ್ಲೆ
ತಾನು ಬರೆದ ಸಾಲುಗಳಲ್ಲೆ
ನಿನ್ನ ಕಾಣುವಾಸೆ,
ನಿನ್ನ ನೋಡುವಾಸೆ
ಆತನಿಗೆ.

ಆ ನಿನ್ನ ರಸಗೆನ್ನೆಯ ಬಣ್ಣ
ಗದ್ದೆಮಣ್ಣಿನ ಮೈ ಬಣ್ಣ
ಕಾಡ ಹೂವಿನಂತೆ ಕಾಡುವ ನಿನ್ನ 
ಅಂದವು
ಮೋಹಕತೆಗು ಮೋಹ ಹಿಡಿಸುವಷ್ಟಿದೆ
ಚಿನ್ನ
ಆಲಿಂಗನಕ್ಕು ಆಸೆ ಹುಟ್ಟುವಂತಿದೆ 
ನಿನ್ನ
ಬಾಚಿ ಮುತ್ತುಗೈಯಲು