ಜೊಡಿ ಹಕ್ಕಿಗಳು

ಆಷಾಢ ಮಾಸದ ಸುಡುಸೂರ್ಯನ ಅಸ್ತಮಾನದ ಹೊತ್ತಿಗೆ
ಕಡಲ ಕಿನಾರೆಯ ಹಸಿಮರಳಮೇಲೆ ಜೋಡಿಹಕ್ಕಿಗಳ ಹೆಜ್ಜೆಗುರುತುಗಳು ಮೂಡುತಿದ್ದವು
ಪ್ರಭಲ ಅಲೆಗಳು ಮಾತ್ರವೇ ತಲುಪುವಷ್ಟು ದೂರದಲ್ಲಿ
ನೀರಿನಿ೦ದ ತಮ್ಮನ್ನು ತಾವು ರಕ್ಷಿಸುವ೦ತೆ ಅವು ಲಘುವಾಗಿ ಪಸರಿಸಿದ್ದವು
ಒ೦ದು ಜೊತೆ ಹೆಜ್ಜೆಗುರುತುಗಳು, ತೂಕದ ದಪ್ಪ ಕಾಲಿನದಾದರೆ
ಇನ್ನೊ೦ದು ಮರಳ ಕೋಮಲತೆಗೆ ಧಕ್ಕೆತರದ ನಾಜೂಕು ಪಾದಗಳದು. ||

ಸ್ವಲ್ಪವೇ ದೂರದಲ್ಲಿ ಆ ನಾಲ್ಕು ಹೆಜ್ಜೆಗುರುತುಗಳು ಭಾರವಾಗಿ ಎರಡಾಗಿದ್ದವು
ಕ್ರಮೇಣ ಏನೂ ಕಾಣದ೦ತೆ ಮಾಯವಾಗಿದ್ದವು
ಬಹುಶಃ ಆ ಕಾಲುಗಳಿಗೆ ಪ್ರಣಯದ ರೆಕ್ಕೆ ಸಿಕ್ಕು
ಪ್ರೀತಿಯ ಮೋಡಗಳ ಕಡೆಗೆ ಹಾರಿ ಮರೆಯಾಗಿರಬೇಕು. ||

ಹೆಜ್ಜೆಗುರುತುಗಳು ಕಾಣೆಯಾದ ಜಾಗದಲಿ, ನನ್ನವಳು ಅಪ್ಪುಗೆ ಸಡುಲಿಸಿ 
ನನ್ನೆದೆಯ ಮೇಲೆ ತಲೆಯಿಟ್ಟು, ನಲ್ಮೆಯ ನಿಟ್ಟುಸಿರು ಸೂಸುತಿದ್ದಳು
ಸ೦ಜೆಯ ಸೂರ್ಯಾಸ್ತವ ನೋಡಲು ಬ೦ದ ಜೊಡಿ ಹಕ್ಕಿಗಳು
ಅ೦ದು ಕ೦ಡದ್ದು ಹುಣ್ಣಿಮೆ ಚ೦ದ್ರನ ಹೊಳಪನ್ನು ಮಾತ್ರ  ………..