ಖ್ಯಾತ ಇಂಗ್ಲಿಷ್ ಲೇಖಕ ಬ್ರಿಯಾನ್ ಟ್ರೇಸಿ ಅವರ ಯಶಸ್ಸಿನ ಗ್ರಂಥಾಲಯ ಮಾಲಿಕೆಯಡಿ ಅವರ ‘ಸೇಲ್ ಸಕ್ಸಸ್’ ಕೃತಿಯನ್ನು ಲೇಖಖ ಶಿವಾನಂದ ಬೇಕಲ್ ಅವರು ‘ಯಶಸ್ವೀ ಮಾರಾಟ’ ಶೀರ್ಷಿಕೆಯಡಿ ಕನ್ನಡಕ್ಕೆ ಅನುವಾದಿಸಿದ್ದಾರೆ. ವಸ್ತುಗಳನ್ನು ಉತ್ಪಾದಿಸುವುದು ಮುಖ್ಯವಲ್ಲ. ಆ ವಸ್ತುವು ಮಾರುಕಟ್ಟೆಯಲ್ಲಿ ಪ್ರಚಾರ ಪಡೆದು, ಅದರ ಮಾರಾಟದ ಪ್ರಮಾಣ ಹೆಚ್ಚುವುದು ಮುಖ್ಯವಾದದ್ದು. ಹೀಗಾಗಿ, ಮಾರುಕಟ್ಟೆ ವಲಯದಲ್ಲಿ ವಸ್ತುವಿನ ಮಾರಾಟದ ಪ್ರಮಾಣವೇ ಪರಿಗಣಿಸಲ್ಪಡುತ್ತದೆ. ಮತ್ತು ಬಹುತೇಕ ವೇಳೆ, ಅದೇ ಆ ವಸ್ತುವಿನ ಗುಣಮಟ್ಟವನ್ನೂ ನಿರ್ಧರಿಸುತ್ತದೆ ಹಾಗೂ ಗ್ರಾಹಕರನ್ನೂ ಸೆಳೆಯುತ್ತದೆ. ಆದ್ದರಿಂದ, ಯಾವುದೇ ಕಂಪೆನಿ ಎಂತಹ ವಸ್ತುಗಳನ್ನು ಉತ್ಪಾದಿಸುತ್ತದೆ ಎನ್ನುವುದಕ್ಕಿಂತ ಅದರ ಮಾರಾಟದ ಕೌಶಲಗಳು ಹೇಗಿವೆ ಎಂಬುದು ಅಧ್ಯಯನ ಮಾಡಬೇಕು. ಮಾರುಕಟ್ಟೆ ವಲಯದ ಇಂತಹ ಸಂಶೋಧನಾರ್ಹ ಸಂಗತಿಗಳನ್ನು ಒಳಗೊಂಡ ಉಪಯುಕ್ತ ಪುಸ್ತಕವಿದು.
ಡಾ. ಶಿವಾನಂದ ಬೇಕಲ್ ಅವರು ಹುಟ್ಟಿದ್ದು ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆಯ ಹೊಸದುರ್ಗ ತಾಲ್ಲೂಕಿನ ಐತಿಹಾಸಿಕ ಸ್ಥಳ ಬೇಕಲ್ ನಲ್ಲಿ. ತಂದೆ- ಬೇಕಲ್ ಸಾಂತನಾಯಕರು, ತಾಯಿ- ಲಲಿತಾಬಾಯಿ. ಪ್ರಾಥಮಿಕದಿಂದ ಹೈಸ್ಕೂಲುವರೆಗೆ ವಿದ್ಯಾಭ್ಯಾಸ ನಡೆದದ್ದು ಬೇಕಲ್‌ನಲ್ಲಿ . ಕಾಸರಗೋಡಿನಲ್ಲಿ ಬಿ.ಎಸ್ಸಿ, ಮೈಸೂರು ವಿಶ್ವವಿದ್ಯಾಲಯದಿಂದ ಬಿ.ಎಡ್, ಕರ್ನಾಟಕ ವಿಶ್ವ ವಿದ್ಯಾಲಯದಿಂದ ಎಂ.ಎ. ಮತ್ತು ಗುಲಬರ್ಗಾ ವಿಶ್ವ ವಿದ್ಯಾಲಯದಿಂದ ಡಾಕ್ಟರೇಟ್ ಪಡೆದರು. 16ನೇ ವಯಸ್ಸಿನಲ್ಲಿ ಬರೆದ ‘ಕೇದಗೆಯ ಹಾವು’ ಮೊದಲ ಕಥೆಗೆ 1968ರಲ್ಲಿ ಪ್ರಜಾವಾಣಿ ದೀಪಾವಳಿ ಕಥಾಸ್ಪರ್ಧೆಯಲ್ಲಿ ಬಹುಮಾನ ಗಳಿಸಿತು. ಇವರ ಲೇಖನ ಕೃಷಿ ಮಂಗಳೂರಿನ ನವಭಾರತ, ಕಿನ್ನಗೋಳಿಯ ಯುಗಪುರುಷ ನಂತರ ಸುಧಾ, ತರಂಗ, ಪ್ರಜಾವಾಣಿ, ...
READ MORE
Concept & Creation 
©2024 Book Brahma Private Limited.
