ಐ ಆ್ಯಮ್ ಅನದರ್ ಯೂ

‘ಐ ಆ್ಯಮ್ ಅನದರ್ ಯೂ’ ಲೇಖಕಿ ಪ್ರಿಯಾ ಕುಮಾರ್ ಅವರ ಆಂಗ್ಲ ಕೃತಿಯನ್ನು ಚೇತನಾ ತೀರ್ಥಹಳ್ಳಿ ಕನ್ನಡೀಕರಿಸಿದ್ದಾರೆ. ಲೇಖಕಿ ಪ್ರಿಯಾರೊಂದಿಗೆ ಓದುಗರು ಪ್ರಯಾಣ ಬೆಳೆಸುವಷ್ಟು ಈ ಕೃತಿಯು ಸೆಳೆಯುತ್ತದೆ. ನೆದರ್ಲೆಂಡಿಗೆ ಪ್ರಯಾಣ ಬೆಳೆಸುವ ಲೇಖಕರು, ಪ್ರತಿಯೊಂದು ರಿವಾಜಿನ ಅನುಭವವನ್ನೂ ಪಡೆದು,  ಅವರು ಹೇಗೆ ತಮ್ಮನ್ನು ತಾವು ಸರಿಪಡಿಸಿಕೊಂಡರು ಅನ್ನುವುದು ಓದುಗರಿಗೆ ಪಾಠವಾಗುತ್ತದೆ,

ಪ್ರತಿ ಅಧ್ಯಾಯವೂ ಅಚ್ಚರಿಯೊಂದಿಗೆ ತೆರೆದುಳ್ಳುತ್ತದೆ. ಸೋಲುಗಳನ್ನು ಗೆದ್ದು ಬರುವ ಸಂಭ್ರಮವನ್ನೂ ಇಲ್ಲಿ ಕಾಣುತ್ತೇವೆ. ಇದರೊಳಗಿನ ಅನುಭವಗಳು ಹೊಸ ಕಲಿಕೆಯೊಂದಿಗೆ ಹರಳುಗಟ್ಟುತ್ತಾ ಔದ್ಯೋಗಿಕವಾಗಿ, ವೈಯಕ್ತಿಕವಾಗಿ ಓದುಗರನ್ನು ಗೆಲುವಿನತ್ತ ಕರೆದೊಯ್ಯುತ್ತವೆ. ಹಲವು ಪಾಠಗಳು, ಹಲವು ಸತ್ಯಗಳು ಹಾಗೂ ಹಲವು ಒಳನೋಟಗಳಿಂದ ಕೃತಿಯು ಸಮೃದ್ಧವಾಗಿದೆ.