ಸ್ಕಾಟಿಷ್‌ ಲೇಖಕ ಡಗ್ಲಾಸ್‌ ಸ್ಟುವರ್ಟ್‌ ಅವರ ಚೊಚ್ಚಲ ಕಾದಂಬರಿ ‘ಶಗ್ಗಿ ಬೈನ್‌’ಗೆ ‍2020ನೇ ಸಾಲಿನ ಬೂಕರ್ ಪ್ರಶಸ್ತಿ ಲಭಿಸಿದೆ.

‘ನಾನೊಬ್ಬ ಬರಹಗಾರನಾಗಬೇಕೆಂದು ಕನಸು ಕಂಡಿದ್ದೆ. ಅದು ಈ ಕಾದಂಬರಿಯ ಮೂಲಕ ನನಸಾಗಿದೆ. ಈ ಕಾದಂಬರಿ ನನ್ನ ಬದುಕನ್ನೇ ಬದಲಿಸಿತು‘ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.

ಪ್ರಶಸ್ತಿಯ ಅಂತಿಮ ಸುತ್ತಿನಲ್ಲಿ ದುಬೈನ ಭಾರತೀಯ ಮೂಲದ ಲೇಖಕ ಅವ್ನಿ ದೋಷಿ ಅವರ ಚೊಚ್ಚಲ ಕಾದಂಬರಿ ‘ಬರ್ನಟ್‌ ಶುಗರ್‘ ಸೇರಿದಂತೆ ಒಟ್ಟು ಆರು ಲೇಖಕರ ಕೃತಿಗಳು ಸ್ಪರ್ಧೆಯಲ್ಲಿದ್ದವು. ಮದ್ಯಪಾನ ವ್ಯಸನದಿಂದ ಮೃತಪಟ್ಟ ತನ್ನ ತಾಯಿಗೆ ಸ್ಟುವರ್ಟ್ ಅವರು ಈ ಕಾದಂಬರಿಯನ್ನು ಅರ್ಪಿಸಿದ್ದು, ಗ್ಲ್ಯಾಸ್ಕೊದಲ್ಲಿ ನಡೆಯುವ ಪ್ರೇಮ ಮತ್ತು ಮದ್ಯಪಾನ ವಿಷಯ ಕುರಿತ ಕಥಾ ವಸ್ತುವನ್ನು ಒಳಗೊಂಡಿದೆ.