ಭೂಕಂಪನಗಳು

Author : ಟಿ. ಆರ್. ಅನಂತರಾಮು

Pages 150

₹ 45.00




Year of Publication: 1994
Published by: ಭಾರತೀಯ ಭೂವೈಜ್ಞಾನಿಕ ಸಂಘ
Address: ಗವಿಪುರ, ಬೆಂಗಳೂರು-560 019
Phone: 080 22422943

Synopsys

ಲೇಖಕ ಟಿ.ಆರ್. ಅನಂತರಾಮು ಅವರ ವೈಜ್ಞಾನಿಕ ಕೃತಿ ‘ಭೂಕಂಪನಗಳು’. ಭೂಮಿ ಸದಾ ಅವಿಶ್ರಾಂತ. ಅದರಲ್ಲೂ ಇದ್ದಕ್ಕಿದ್ದಂತೆ ಘಟಿಸಿ ಭೂಕಂಪನ ಅಪಾರ ಪ್ರಮಾಣದ ಸಾವು ನೋವುಗಳನ್ನು ತರಬಹುದು. ಭೂಮಿಯ ಒಳಭಾಗದ ಚಲನೆ ಸುಲಭವಾಗಿ ಕಣ್ಣಿಗೆ ಗೋಚರಿಸುವುದಿಲ್ಲ. ಪ್ರಾಚೀನ ಕಾಲದಿಂದಲೂ ಭೂಕಂಪನವನ್ನು ನೈಸರ್ಗಿಕ ವಿಕೋಪಗಳಲ್ಲೇ ಅತಿ ಭಯಂಕರ ವಿದ್ಯಮಾನವೆಂದು ಪರಿಗಣಿಸಲಾಗಿದೆ.

ಪ್ರತಿವರ್ಷ ಸುಮಾರು ಐದು ಲಕ್ಷ ಭೂಕಂಪನಗಳು ಘಟಿಸುತ್ತವೆ. ಆದರೆ ಭೂಕಂಪನ ಮಾಪಕಗಳಲ್ಲಿ ಎಲ್ಲವೂ ದಾಖಲೆಯಾಗುವುದಿಲ್ಲ. ಕ್ರಿ.ಶ. 1556ರಲ್ಲಿ ಚೀನದ ಶಾನ್ಸಿ ಪ್ರಾಂತ್ಯದಲ್ಲಾದ ಭೂಕಂಪನ ಕೆಲವೇ ಸೆಕೆಂಡುಗಳಲ್ಲಿ 8,30,000 ಮಂದಿಯನ್ನು ಬಲಿ ತೆಗೆದುಕೊಂಡು ನೈಸರ್ಗಿಕ ದುರಂತದ ಅತಿ ದೊಡ್ಡ ದಾಖಲೆಯನ್ನು ನಿರ್ಮಿಸಿತ್ತು.

ಭೂಕಂಪನವೆಂದರೇನು? ಭೂಮಿಯ ಒಳರಚನೆ ಹೇಗಿದೆ? ಭೂಮಿ ಕಂಪಿಸಲು ನೈಸರ್ಗಿಕ ಕಾರಣಗಳು ಯಾವುವು? ಭೂಕಂಪನ ಮಾಪಕದಿಂದ ಕಂಪನವನ್ನು ಹೇಗೆ ದಾಖಲಿಸಬಹುದು? ಭೂಕಂಪನಕ್ಕೆ ಮುನ್ಸೂಚನೆ ಕೊಡಲು ಮಾಡಿದ ಪ್ರಯತ್ನಗಳು, ಭೂಕಂಪನ ವಲಯಗಳಲ್ಲಿ ದೊಡ್ಡ ದೊಡ್ಡ ನಗರಗಳನ್ನು ಕಟ್ಟುವುದು ಎಷ್ಟು ಅಪಾಯಕಾರಿ-ಇವೇ ಮುಂತಾದ ಪ್ರಾಥಮಿಕ ತಿಳಿವಳಿಕೆಯನ್ನು ಅತ್ಯಂತ ಸರಳವಾಗಿ ಆದರೆ ವೈಜ್ಞಾನಿಕವಾಗಿ ವಿವರಿಸುವ ಕೃತಿ ಇದು.

About the Author

ಟಿ. ಆರ್. ಅನಂತರಾಮು
(03 August 1949)

ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ.  ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ.  ...

READ MORE

Related Books