ವೈಜ್ಞಾನಿಕವಾಗಿ ಈ ದೇಶ ಎಷ್ಟೇ ಪ್ರಮಾಣದಲ್ಲಿ ಮುಂದುವರಿದಿದ್ದರೂ ಮೇಲ್ವರ್ಗದವರ  ಜಾತಿಹೀನ ಮನಸ್ಥಿತಿ ಇನ್ನೂ ಬದಲಾಗಿಲ್ಲ. ಈ ಭಾವನೆ ತೊಡೆದು ಹಾಕುವ ನಿಟ್ಟಿನಲ್ಲಿ ಪ್ರಯತ್ನಗಳು ಸಾಗಿದ್ದರೂ ಫಲಿತಾಂಶ ಶೂನ್ಯ ಎಂದು ಚಿಂತಕ ಮೂಡ್ನಾಕೂಡು ಚಿನ್ನಸ್ವಾಮಿ ಬೇಸರ ವ್ಯಕ್ತಪಡಿಸಿದರು.

ಬೆಂಗಳೂರಿನ ರವೀಂದ್ರಕಲಾಕ್ಷೇತ್ರದಲ್ಲಿ ಸಾಹಿತಿ ಮಂಜು ಕೋಡಿಉಗನೆ ಅವರ 'ಚಪ್ಪೋಡು' ಕಾದಂಬರಿ ಬಿಡುಗಡೆ ಮಾಡಿ ಮಾತನಾಡಿದರು. ಕ್ಷೌರ, ನೀರು, ದೇವಸ್ಥಾನ ಈ ಮೂರು ವಿಷಯಗಳ ಹಿನ್ನೆಲೆಯಲ್ಲಿ ಪ್ರಶ್ನೆ ಉದ್ಭವಿಸಿದಾಗ ಸಂಘರ್ಷಗಳು ಉಂಟಾಗುತ್ತದೆ. ಈ ಸಮಸ್ಯೆಗೆ ಸಾವಿರಾರು ವರ್ಷಗಳಿಂದಲೂ ಪರಿಹಾರ ಹುಡುಕಿದರೂ ಸಿಗುತ್ತಿಲ್ಲ. ಈ ನಿಟ್ಟಿನಲ್ಲಿ ಮಂಜು ಕೋಉಗನೆರವರ ಕಾದಂಬರಿ ಕಾನೂನಾತ್ಮಕ ಪರಿಹಾರ ಹುಡುಕಬಹುದಾದ ಹೊಸ ತಾತ್ವಿಕ ಆಯಾಮವನ್ನು ನೀಡಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಕಾದಂಬರಿ ಕುರಿತು ಚಿಂತಕ ಎಲ್ ಎನ್ ಮುಕುಂದರಾಜು ಮಾತನಾಡಿದರು. ಡಾ. ಹೆಚ್ ಎಲ್ ಪುಷ್ಪ,  ಹೆಚ್ ಆರ್ ಸ್ವಾಮಿ, ನಾಗಮಲ್ಲಪ್ಪ ಭಾಗವಹಿಸಿದ್ದರು.