‘ಅಪಾರ್ಥಿನಿ’ ಅಮೃತ ಸೋಮೇಶ್ವರ ಅವರ ಕೃತಿಯಾಗಿದೆ. ಶಬ್ದಗಳ ಬಾಣಗಳನ್ನು ನಮ್ಮತ್ತ ಎಸೆದು ಹೌದು ಎನ್ನಿಸುವ ಅರ್ಥ ಹೇಳಿದಾಗ ನಾವು ಬಾಯಿ ಮುಚ್ಚಬೇಕಾಗುತ್ತದೆ. ಶಬ್ದಕೋಶಗಳ ಮಧ್ಯೆ ಒಂದು ವಿಶೇಷಾರ್ಥವನ್ನು ಹೊರಡಿಸುವ ಪದಕೋಶ, ಈ ಪದಕ್ಕೆ ಹೀಗೆಲ್ಲ ಅರ್ಥ ಉಂಟುಮಾಡಬಹುದೇ ಎಂದು ವಿನೋದ ಪ್ರವೃತ್ತಿಯವರಿಗೆ ಮೆಚ್ಚಿಗೆಯಾಗುವಂತ ಕೃತಿ.
ಕರಾವಳಿ ತೀರದ ಯಕ್ಷಗಾನ ಪ್ರಸಂಗ ಕರ್ತೃ, ಸಂಶೋಧಕ, ಅನುವಾದಕ, ವಿಮರ್ಶಕ, ಜಾನಪದ ತಜ್ಞ, ಕವಿ, ಕಥೆಗಾರರಾದ ಅಮೃತ ಸೋಮೇಶ್ವರರವರು ಹುಟ್ಟಿದ್ದು 1953 ಸೆಪ್ಟಂಬರ್ 27 ರಂದು. ದಕ್ಷಿಣ ಕನ್ನಡ ಜಿಲ್ಲೆಯ ಮಂಗಳೂರು ತಾಲ್ಲೂಕಿನ ಕೋಟೆಕಾರು ಸಮೀಪದ ಅಡ್ಯ ಎಂಬಲ್ಲಿ. ತಂದೆ ಚಿರಿಯಂಡ ಮತ್ತು ತಾಯಿ ಅಮುಣಿ. ಮಾತೃಭಾಷೆ ಮಲಯಾಳಂ ಆದರೂ ಸಾಹಿತ್ಯ ರಚನೆಗೆ ತೊಡಗಿದ್ದು ತುಳು ಹಾಗೂ ಕನ್ನಡದಲ್ಲಿ. ಪ್ರಾರಂಭಿಕ ಶಿಕ್ಷಣ ಕೋಟೆಕಾರಿನ ಸ್ಟೆಲ್ಲಾ ಮೇರಿ ಕಾನ್ವೆಂಟ್‌ನಲ್ಲಿ ಮುಗಿಸಿದ ಅವರು ಪ್ರೌಢ ಶಿಕ್ಷಣವನ್ನ ಆನಂದಾಶ್ರಮದಲ್ಲಿ ಮಾಡಿದ್ದಾರೆ. ಆನಂತರ ಮಂಗಳೂರಿನ ಸೇಂಟ್ ಅಲೋಷಿಯಸ್ ಕಾಲೇಜಿನಲ್ಲಿ ಪದವಿ ಪಡೆದು, ಮದರಾಸು ವಿಶ್ವವಿದ್ಯಾಲಯದಿಂದ ...
READ MOREಹೊಸತು - ಫೆಬ್ರವರಿ -2005
ಅಪಾರ್ಥ - ಅಪಹಾಸ್ಯಗಳೆಂಬ ಎರಡು ಗಾಲಿಗಳ ಮೇಲೆ ಸವಾರಿ ಹೊರಟಿರುವ ಪದಪುಂಜ ವಿನ್ಯಾಸಗಳು. ತಿಳಿಹಾಸ್ಯಭರಿತ ವಿಚಿತ್ರಾರ್ಥಗಳಿಂದ ತುಂಬಿಕೊಂಡ ಈ ಪದಗಳ ಅರ್ಥವನ್ನು ಯಥಾರ್ಥವಾದವುಗಳಲ್ಲವೆಂದು ಯಾರೂ ಧೈರ್ಯವಾಗಿ ಹೇಳುವಂತಿಲ್ಲ. ನಾ. ಕಸ್ತೂರಿ ಅವರ ''ಅನರ್ಥಕೋಶ', ಬೀಚಿಯವರ ''ತಿಮ್ಮಿಕ್ಷನರಿ, ಡಾ|| ಶಿವಪ್ಪ ಅವರ "ನುಡಿಕಿಡಿ' ಇವುಗಳನ್ನು ನೆನಪಿಸುವ ಈ ಅಪಾರ್ಥಿನಿ ತುಂಬ ಗಂಭೀರೆ. ಪಾರ್ಥೇನಿಯಂ ಗೆಳತಿಯಿರಬಹುದೆಂದು ತಪ್ಪು ತಿಳಿಯಬೇಡಿ. ಶಬ್ದಗಳ ಬಾಣಗಳನ್ನು ನಮ್ಮತ್ತ ಎಸೆದು ಹೌದು ಎನ್ನಿಸುವ ಅರ್ಥ ಹೇಳಿದಾಗ ನಾವು ಬಾಯಿ ಮುಚ್ಚಬೇಕಾಗುತ್ತದೆ. ಶಬ್ದಕೋಶಗಳ ಮಧ್ಯೆ ಒಂದು ವಿಶೇಷಾರ್ಥವನ್ನು ಹೊರಡಿಸುವ ಪದಕೋಶ, ಈ ಪದಕ್ಕೆ ಹೀಗೆಲ್ಲ ಅರ್ಥ ಉಂಟುಮಾಡಬಹುದೇ ಎಂದು ವಿನೋದ ಪ್ರವೃತ್ತಿಯವರಿಗೆ ಮೆಚ್ಚಿಗೆಯಾಗುವಂತೆ ಅತಿ ಜಾಗೃತಿಯಿಂದ ಸಂಗ್ರಹಿಸಿದ ದಿಕ್ ಶನಿ ರೀ !
Concept & Creation 
©2024 Book Brahma Private Limited.
