ಹಾಸ್ಯ ಲೇಖಕರಾದ ಎಂ.ಎಸ್ ನರಸಿಂಹಮೂರ್ತಿ ಬರೆದಿರುವ ಕಾದಂಬರಿ’ ನೀನಂದ್ರೆ ಇಷ್ಟ ಕಣೋ’.
ಈ ಕಾದಂಬರಿಯು ಹಾಸ್ಯಮಯವಾದ ಸಂಭಾಷಣೆಗಳಿಂದ ತುಂಬಿ ಆಳದಲ್ಲಿ ಗ್ರಾಮೀಣ ಭಾರತೀಯ ಚಿಂತನೆಯನ್ನು ಮೂಡಿಸುತ್ತದೆ. ಗ್ರಾಮೀಣ ಸಾಂಸ್ಕೃತಿಕ ಸಂಪತ್ತನ್ನು ಮೊಗೆಯುವ ಸ್ವಭಾವ ಹೊಂದಿರುವ ಈ ಕಾದಂಬರಿ ನಗು ನಗುತ್ತಲೇ ಒಂದು ಆದರ್ಶ ಜಗತ್ತಿಗೆ ಓದುಗರನ್ನು ಕೊಂಡೊಯ್ಯುವ ವಿಶೇಷ ಪ್ರಯತ್ನವನ್ನು ಮಾಡುತ್ತದೆ. ಈ ಕಾದಂಬರಿಯನ್ನು ಪ್ರವೇಶಿಸುವವರು ಗ್ರಾಮೀಣ ಜೀವನದ ಧೂಳನ್ನು ತಲೆಗೆ ಏರಿಸಿಕೊಳ್ಳುತ್ತಾರೆ. ಸಿನಿಮೀಯ ಶೈಲಿ ಮತ್ತು ದಟ್ಟವಾದ ಅನುಭವಗಳ ಜಗತ್ತು ಇಲ್ಲಿ ಕಂಡು ಬರುತ್ತದೆ. ಆದರ್ಶ ಜೀವಿಗಳು, ಡೋಂಗಿಗಳು, ತಮಗೇ ಅರಿವಿಲ್ಲದಂತೆ ಬದಲಾಗುತ್ತ ಹೋಗುವುದು ಈ ಕಾದಂಬರಿಯ ಲಕ್ಷಣವಾಗಿದೆ.
ಹಾಸ್ಯ ಬರಹಗಾರ, ಬಾಷಣಕಾರ ಎಂ.ಎಸ್.ನರಸಿಂಹಮೂರ್ತಿ ಅವರು ಕೋಲಾರ ಜಿಲ್ಲೆಯ ಮಾಲೂರಿನಲ್ಲಿ 1949 ಅಕ್ಟೋಬರ್ 20 ರಂದು ಜನಿಸಿದರು. ಕಾದಂಬರಿ, ಮಕ್ಕಳಸಾಹಿತ್ಯ, ವಿಚಾರ ಸಾಹಿತ್ಯ, ಹಾಸ್ಯ ಸಂಕಲನ ಸೇರಿದಂತೆ ಹಲವು ಸಾಹಿತ್ಯ ಪ್ರಕಾರಗಳಲ್ಲಿ ಛಾಪು ಮೂಡಿಸಿರುವ ಇವರು ಇದುವರೆಗೆ 50 ಪುಸ್ತಕಗಳನ್ನು ಬರೆದಿದ್ದಾರೆ. 5000 ಕ್ಕೂ ಹೆಚ್ಚು ನಗೆ ಎಪಿಸೋಡ್‌ಗಳನ್ನು ರಚಿಸಿದ ರಾಷ್ಟ್ರೀಯ ದಾಖಲೆ ಅವರದು. 2000ಕ್ಕೂ ಹೆಚ್ಚು ಪ್ರಕಟಿತ ನಗೆ ಲೇಖನಗಳು, 100ಕ್ಕೂ ಹೆಚ್ಚು ಬಾನುಲಿ ನಾಟಕಗಳ ರಚನೆ. ಸ್ವಯಂ ವಧು, ಶ್ರಮದಾನ, ಬಾಬ್ಬಿ, ಗೂಳಿಕಾಳಗ, ಕಂಡಕ್ಟರ್ ಕರಿಯಲಪ್ಪ, ವೈಕುಂಠಕ್ಕೆ ಬುಲಾವ್, ಕಿವುಡು ಸಾರ್ ಕಿವುಡು ಮತ್ತು ಇತರೆ ...
READ MORE
Concept & Creation 
©2024 Book Brahma Private Limited.
