ಕನ್ನಡ ಹಸ್ತಪ್ರತಿ ಮತ್ತು ಗ್ರಂಥಸಂಪಾದನೆ ದೃಷ್ಟಿಯಿಂದ ಆರಂಭದ ಪ್ರವರ್ತಕರಲ್ಲಿ ಮುಖ್ಯರಾದ ಹೆರ್ಮನ್ ಮೊಗ್ಲಿಂಗ್ ಬಗ್ಗೆ ವಿಶೇಷವಾದ ಮತ್ತು ಅಧ್ಯಯನಶೀಲವಾದ ಪ್ರಬಂಧಗಳು ಇಲ್ಲಿ ಸಂಕಲನಗೊಂಡಿವೆ. ಮೋಗ್ಲಿಂಗ್ ಅವರ ಸಂಪಾದನೆಯ ಸ್ವರೂಪ ಮತ್ತು ಮಾದರಿಗಳನ್ನು ಇಲ್ಲಿ ವಿಶೇಷವಾಗಿ ಚರ್ಚಿಸಿದ್ದು, ಗ್ರಂಥಸಂಪಾದನೆಯ ಹಿಂದಿನ ಮನೋಧರ್ಮ ಕುರಿತ ವಿಶಿಷ್ಟ ಸಂವಾದ ಕೂಡಾ ಇಲ್ಲಿದೆ. ಹೀಗಾಗಿ ಒಂದೆಡೆ ಹಸ್ತಪ್ರತಿ ಪರಂಪರೆ ಮತ್ತು ಮೋಗ್ಲಿಂಗ್ ಕುರಿತ ಚರ್ಚೆ, ಮತ್ತೊಂದಡೆ ಗ್ರಂಥಸಂಪಾದನೆಯನ್ನು ಹೊಸದಾಗಿ ಪುನರ್ ನಿರ್ಮಿಸುವ ಆಧುನಿಕ ದೃಷ್ಟಿಕೋನ ಇವರಡೂ ಈ ಗ್ರಂಥದಲ್ಲಿ ಪ್ರತಿಫಲನಗೊಂಡಿರುವುದು ಈ ಕೃತಿಯ ವಿಶೇಷ. ಈ ಕೃತಿಯ ಶಬ್ದದ ಅರ್ಥದ ಕುರಿತು ತಪಸ್ಸು ಮುಖ್ಯ , ಹಸ್ತಪ್ರತಿಗಳ ಅಧ್ಯಯನದ ಅವಶ್ಯಕತೆ ಮತ್ತು ಮಹತ್ವ ,ಗ್ರಂಥಸಂಪಾದನೆ ಮತ್ತು ಮೋಗ್ಲಿಂಗ್ , ಕೊಡಗಿನ ಸಾಂಸ್ಕೃತಿಕ ಚರಿತ್ರೆ ಮತ್ತು ಮೊಗ್ಲಿಂಗ್ , ಮೌಖಿಕ ಸಾಹಿತ್ಯ ಸಂಪಾದನೆ ಮತ್ತು ಮೋಗ್ಲಿಂಗ್ , ಕನ್ನಡ ಗ್ರಂಥಸಂಪಾದನ, ಕನ್ನಡ ಪತ್ರಿಕೋದ್ಯಮ ಮತ್ತು ಮೋಗ್ಲಿಂಗ್ , ಅಖಂಡ ಕರ್ನಾಟಕದ ಮೊದಲ ಕಲ್ಪನ : ಮೊಗ್ಲಿಂಗ್ ,ಕರ್ನಾಟಕದಲ್ಲಿ ಬಾಸೆಲ್ ಮಿಷನ್ ಸಾಧನ , ಪಠ್ಯದ ಚಲನಶೀಲತ ,ಗ್ರಂಥಸಂಪಾದನೆ ಹಿಂದಿನ ಮನೋಧರ್ಮಗಳು ಎಂಬ ವಿಷಯಗಳನ್ನು ಒಳಗೊಂಡಿದೆ.
ಹಂಪಿಯ ಕನ್ನಡ ವಿಶ್ವವಿದ್ಯಾಲಯದ ಹಸ್ತಪ್ರತಿ ವಿಭಾಗದಲ್ಲಿ ಪ್ರಾಧ್ಯಾಪಕರಾಗಿರುವ ವೀರೇಶ ಬಡಿಗೇರ, ಕನ್ನಡದ ಹಸ್ತಪ್ರತಿ ತಜ್ಞರಲ್ಲಿ ಒಬ್ಬರು. 1966 ಏಪ್ರಿಲ್‌ 4 ರಂದು ಜನಿಸಿದರು. ಎಂ. ಎ., ಪಿಎಚ್.ಡಿ. ಹಾಗೂ ಬಿ.ಇಡ್, ಡಿಪ್ಲೊಮಾ ಇನ್ ಎಪಿಗ್ರಾಫಿ ಮಾಡಿದ್ದು, ಕನ್ನಡ ಸಾಹಿತ್ಯ, ಸಂಸ್ಕೃತಿ, ಜಾನಪದ, ಸಂಗೀತ, ತಂತ್ರಜ್ಞಾನ ಆಸಕ್ತಿ ಕ್ಷೇತ್ರಗಳು. 28 ವರ್ಷ ಕಾಲ ಬೋಧನೆ ಹಾಗೂ ಸಂಶೋಧನೆಯ ಅನುಭವ ಇದೆ. ಬಾಗಲಕೋಟೆಯ ಪಿ. ಎಂ. ನಾಡಗೌಡಕಲಾ ಮತ್ತು ವಾಣಿಜ್ಯ ಮಹಾವಿದ್ಯಾಲಯ ಅರೆಕಾಲಿಕ ಉಪನ್ಯಾಸಕರಾಗಿ ವೃತ್ತಿ ಜೀವನ ಆರಂಭಿಸಿದರು. 1992 ರಿಂದ ಕನ್ನಡ ವಿಶ್ವವಿದ್ಯಾಲಯದಲ್ಲಿ ಸಂಶೋಧನ ಸಹಾಯಕರಾಗಿ ಕೆಲಸಕ್ಕೆ ಸೇರಿದರು. 1996 ಆಗಸ್ಟನಿಂದ ಹಸ್ತಪ್ರತಿಶಾಸ್ತ್ರ ವಿಭಾಗದಲ್ಲಿಉಪನ್ಯಾಸಕರಾದರು. 1996ರಲ್ಲಿ ಉತ್ತರ ಕರ್ನಾಟಕದ ಜಾನಪದ ...
READ MORE
Concept & Creation 
©2024 Book Brahma Private Limited.
.jpg)
