ಅರಳಿಯ ಅರಿವು

ಉಪ್ಪರಿಗೆಯ ಹೂವಾದೆ
ಕೇರಿಯಲ್ಲಿ ಅರಳಿದೆ
ಸರಪಳಿಗಳ ಸೀಳಿ ಬಂದು
ಎದೆ ತುಂಬಿ ಹಾಡಿದೆ

ಮೋಹದಲೆಗೆ ತೇಲದೆ
ಬಗೆದಷ್ಟು ಬಯಲಿಗೆ ಬಂದೆ
ಪ್ರತಿ ಪಾಪದ ಪೊರೆಯ ತೊಳೆದೆ
ಪಾಪ ಪುಣ್ಯದ ಪ್ರಭೆ

ಕೀಚ ಕೊಳಕ ತೊಡದೆ
ಅರಳಿ ಅರಳಿಯ ಅರಿವಾದೆ
ಉರಿದ ಹಸಿ ಹುಸಿಯ ಉರಿದೆ
ಒಳಗೊರಗೂ ಒಲವಾದೆ

ಕೊಂಕಿನೊಡಲ ಖೋಡಾಗದೆ
ಧರಣಿಯ ಭರಣಿಯಾದೆ
ಒಡಕಿನ ಒಳ ಉಡುಕ ಹೊಡೆದೆ
ಪ್ರೀತಿ ಪಥಕೆ ಪರ್ವವಾದೆ

ನಿಜದೆದೆಗೆ ನಂಜಾಗದೆ
ಹನಿ ಜೇನಿಗೂ ಜಿನುಗಿದೆ
ಸರ್ವೈಕ್ಯತೆ ಸೌಖ್ಯತೆಗೆ
ನೆಲಮುಗಿಲ ನೌಕೆಯಾದೆ

- ಕ.ಗಂ.ಶಶಿಕುಮಾರ್(ಕವಿವರ್ಮ)