ಚಿಂಗಿಟ್ಟು ನಾರುವ ಚಿಂದಿ ಅರಿವೆಯವರು

ಗಿರಿಜೆಯ ಕುಚಗಳ ಕ್ಷೀರದಿಂದ
ಕ್ಷಿತೀಜರಾದವರು ನಾವು ಕಣ್ಣಿಗೆ
ಕಾಣಿಸುವವರಲ್ಲ ಮೂಗಿಗೆ ಕಾಣಿಸುವವರು

ದೇವಲೋಕದ ಗುರುಬಂದೇನು
ಬೇಕೆಂದಾಗ ಬಯಲಿಗೆ ಬಯಲಾಗಲೆಂದವರು
ನಾವು ಕಣ್ಣಿಗೆ ಕಾಣಿಸುವವರಲ್ಲ ಮೂಗಿಗೆ ಕಾಣಿಸುವವರು

ಆರ್‍ಯರಾಣೆಯಂತೆ ಮೌರ್‍ಯಮನೆಯನು ಕಟ್ಟಿ
ಭರತ ಖಂಡಕ್ಕೆ ಬದ್ಧರಾದವರು ನಾವು ಕಣ್ಣಿಗೆ ಕಾಣಿಸುವವರಲ್ಲ ಮೂಗಿಗೆ
ಕಾಣಿಸುವವರು

ಕುರು ಕುರುಂಬ ಕದಂಬರಾಗಿ ಕರುನಾಡಳಿತ
ಪ್ರಪ್ರಥಮರು ನಾವು ಕಣ್ಣಿಗೆ ಕಾಣಿಸುವವರಲ್ಲ
ಮೂಗಿಗೆ ಕಾಣಿಸುವವರು

ಗೋಲ ಸೊಲ್ಲೂರಿನ ಕಾಯಕರ್‍ಮದ
ಗೊಲ್ಲ ಸಿದ್ಧರು ನಾವು ಕಣ್ಣಿಗೆ ಕಾಣಿಸುವವರಲ್ಲ
ಮೂಗಿಗೆ ಕಾಣಿಸುವವರು

ಕೊಪ್ಪರಿಕೆ ಕನಕವನು ಬೀದಿಗಿಟ್ಟಂಚಿದ ಹಕ್ಕಬುಕ್ಕ ಕೃಷ್ಣಕನಕೊಡೆಯರು
ನಾವು ಕಣ್ಣಿಗೆ ಕಾಣಿಸುವವರಲ್ಲ ಮೂಗಿಗೆ ಕಾಣಿಸುವವರು

ಸಾಸಿರ ಸೈನ್ಯವ ಸಂಹರಿಸಿ ಸತ್ತರೂ ಸಾವಿಲ್ಲದ ಸಂಗೊಳ್ಳಿಯವರು ನಾವು ಕಣ್ಣಿಗೆ
ಕಾಣಿಸುವವರಲ್ಲ ಮೂಗಿಗೆ ಕಾಣಿಸುವವರು

ಇತಿ ಮೆಚ್ಚಿದ ನಾಡ ಜನತೆ ಮತ್ತೆ ನಾಡಾಳಲು
ಕಳುವಿಹರು ಕಣ್ಣಿಗೆ ಕಾಣಿಸುವವರಲ್ಲ ನಾವು
ಮೂಗಿಗೆ ಕಾಣಿಸುವವರು

ಸಂಗನಗೌಡ ಹಿರೇಗೌಡ