ನೆನಪಿಗೆ ಬಾರದಷ್ಟು ಕ್ರೂರಿ ನಾನಲ್ಲ

ಕವಿ ಸಂತೋಷ ಕಾಖಂಡಕಿ ಅವರು ಬರೆದ ಕವಿತೆಯ ಸಾಲುಗಳು...

ಸಿಗಲಾರದ ಗೆಳತಿ ಅವಳು
ಪ್ರೇಯಸಿಯಾಗಿಲ್ಲ ಸ್ನೇಹಿತೆಯಾಗಿ
ನೊಂದ ಜೀವಕ್ಕೆ ಮದ್ದು ಎಂದು ಅರಿತವ ಅವನು
ಅವಳಿಗೆ ಅವನೇ ನೋವು ಎಂದು ಅರಿವುರಷ್ಟರಲಿ ಅವಳೇ ಕೈ ಜಾರಿ ಹೊರಟು ಹೋಗಿದ್ದಳು......!

ಯಾರಿಗೂ ಸ್ನೇಹಕ್ಕಾಗಿ ಭಿಕ್ಷೆ ಬೇಡದವನು
ಆಕೆಯ ಪ್ರಾಣಕ್ಕೂ ಮಿಗಿಲು ಎಂದವನು
ದೂರದ ಕನಸು ಆಕಾಶದ ಹಿಮ ಅವಳು
ನನಸಾಗದ ಕನಸು ಕೈಯಲ್ಲಿ ಕರಗುವ ಹಿಮ ಅವಳು....!

ಆಕೆಯದೇನು ತಪ್ಪಿಲ್ಲ ಇಲ್ಲಿ ಎಲ್ಲವೂ ದೂರದ ವಿಧಿಯಾಟ
ಹಾ..... ಮತ್ತೆ ಹೇಳುವೆ ಮನೆಯ ಕನಸಿಗೆ ದೂರ ಸರಿದವಳು ದೂರದ ಊರಿಗೆ ಹೆಜ್ಜೆ ಹಾಕಿದವಳು.....!
ಮತ್ತೆ ಮತ್ತೆ ಅವನು ಬಯಸಿದರು ಬಾರದವಳು ಈ ಭಾರವಾದ ಹೃದ್ಯಕ್ಕೆ ಸ್ನೇಹದ ದೀಪ ಹಚ್ಚಲಾಗದವಳು.....
ಎಲ್ಲಿದರೂ ಆಕೆಗೆ ನಗುವು ಕೊನೆಯಾಗದರಲಿ ....
ಆಕೆಯ ಕನಸು ನನಸಾಗುತಿರಲಿ.......!

ನೆನಪಾದರೆ ಮಾತನಾಡಿಸಲು ನೆಪ ಬೇಕಿಲ್ಲ
ನೆನಪಿಗೆ ಬಾರದಷ್ಟು ಕ್ರೂರಿ ನಾನಲ್ಲ
ಎಂದಿಗೂ ನಿನ್ನ ಸ್ನೇಹ ನನಗೆ ಅಮರ ಅಜರಾಮರ....!